Markets Down : सलग दुसऱ्या दिवशी भारतीय शेअर बाजाराची खराब सुरुवात
Markets Down : आठवड्याच्या दुसऱ्या दिवसाच्या व्यवहाराची सुरुवात मोठ्या घसरणीसह झाली आहे. सेन्सेक्स आणि निफ्टी हे दोन्ही निर्देशांक लाल चिन्हावर उघडले.
Share Market Crash : सलग दुसऱ्या दिवशी भारतीय शेअर बाजाराची सुरुवात खराब झाली आहे. आठवड्याच्या दुसऱ्या दिवसाच्या व्यवहाराची सुरुवात मोठ्या घसरणीसह झाली आहे. दोन्ही निर्देशांक लाल चिन्हावर उघडले. बॉम्बे स्टॉक एक्सचेंजचा निर्देशांक सेन्सेक्स 315 अंकांनी घसरला, तर राष्ट्रीय शेअर बाजाराचा तर, निफ्टीत 324 अंकांची घसरण दिसून आली. निफ्टी 15700 च्या पातळीवर उघडला. सध्या सेन्सेक्स 375 अंकांनी घसरुन 52,471 अंकांवर आहे, तर निफ्टी 110 अंकांनी घसरुन 15,664 च्या स्तरावर व्यवहार करत आहे.
विशेष म्हणजे, सोमवारी (13 जून) बीएसईचा सेन्सेक्स निर्देशांक 1457 अंकांच्या घसरणीसह 52,847 वर बंद झाला होता, तर एनएसईचा निफ्टी निर्देशांक 427 अंकांच्या घसरणीसह 15,774 वर बंद झाला होता.
अमेरिकन डॉलरच्या तुलनेत रुपया आज स्थिर आहे. तरीही डॉलरच्या तुलनेत रुपयाचे मूल्य 78 रुपयांच्या पार गेलं आहे. डाॅलरच्या तुलनेत रुपया 78.03 वर आहे. तर जागतिक बाजारात कच्च्या तेलाचे दर 122 डाॅलर प्रति बॅरल आहे.
गुंतवणूकदारांच्या नजरा आता यूएस फेडरल रिझर्व्हच्या पुढील धोरणाच्या घोषणेवर आहे, जी उद्या म्हणजेच 15 जून रोजी होणार आहे. अमेरिकेतील व्याजदरांमधील वाढ अर्थव्यवस्थेला मंदीकडे ढकलत असल्याची शंका बाजारात आहे. त्यामुळे शेअर मार्केट सातत्याने निचांकी स्तरावर व्यवहार करत आहे.
Before You Go
Liquor Brands Banned: भारतात कोणत्या ब्रँड्सच्या रम आणि व्हिस्कीवर बंदी?, A टू Z माहिती
महत्त्वाच्या बातम्या
