Ladki Bahin Yojana: सरकारने आमच्या घरात भांडणं लावली, निवडणूक संपल्यावर आमचे 1500 रुपये बंद केले, हिंगोलीत लाडक्या बहिणी आक्रमक

CM Ladki Bahin Yojana: लाडकी बहीण योजनेचे पैसे मिळत नसल्याने महिला आक्रमक. महिलांची जिल्हाधिकारी कार्यालयात गर्दी. निवडणुकीपूर्वी लाडकी असलेली बहीण आता सावत्र बहीण झाली का, महिलांचा सवाल

Ladki Bahin Yojana

Source : Facebook

Ladki Bahin Yojana: लाडकी बहीण योजनेमध्ये अनेक बदल केल्यामुळे मोठ्या प्रमाणात महिला या लाभापासून वंचित राहत आहेत. त्यामुळे सोमवारी हिंगोलीच्या (Hingoli News)  जिल्हाधिकारी कार्यालयासमोर अनेक महिलांनी गर्दी केली होती. निवडणुकीपूर्वी या योजनेत कोणतेही निकष नव्हते. त्यानंतर आता निकष लावून अनेक महिलांना  जून महिन्यापासून या या योजनेचा  लाभ देणे थांबवण्यात आले आहे. त्यामुळे महिला संतप्त झाल्या आहेत. हिंगोली जिल्ह्यातील तपोवन या गावातील महिला जिल्हाधिकारी कार्यालयामध्ये महिला व बाल विकास अधिकाऱ्याची भेट घेण्यासाठी आल्या होत्या. लाडकी बहीण योजनेतील (Ladki Bahin Yojana) निकष बदलल्यामुळे महिलांना पैसे मिळत नाहीत.  सरकारने आमच्याच घरात महिलांचे वाद लावले आहेत. निवडणुकीपूर्वी सर्व लाडक्या बहिणी होत्या. मात्र आता याच लाडक्या बहिणी सावत्र बहिणी बहिणी झाल्या आहेत का, असा सवाल या महिलांनी मुख्यमंत्री देवेंद्र फडणवीस यांना विचारला आहे. यावर आता महायुती सरकारमधील स्थानिक लोकप्रतिनिधी आणि मुख्यमंत्री काय स्पष्टीकरण देणार, याकडे सर्वांच्या नजरा लागल्या आहेत. (CM Ladki Bahin Scheme)

Ladki Bahin Scheme E Kyc: लाडकी बहीण योजनेचा लाभ मिळवण्यासाठी ई-केवायसी प्रक्रिया कशी पूर्ण कराल?

मुख्यमंत्री-माझी लाडकी बहीण योजनेच्या e-KYC साठी https://ladakibahin.maharashtra.gov.in  या संकेतस्थळाला भेट द्यावी.

मुखपृष्ठावर असलेल्या e-KYC बॅनरवर क्लिक केल्यावर e KYC फॉर्म उघडेल.

या फॉर्ममध्ये लाभार्थ्याने आपला आधार क्रमांक आणि पडताळणी संकेतांक (Captcha Code) नमूद करून, आधार प्रमाणीकरणासाठी संमती देत Send OTP या बटणावर क्लिक करावे. त्यानंतर लाभार्थ्याच्या आधार-लिंक मोबाईल क्रमांकावर OTP येईल. हा OTP टाकून Submit बटणावर क्लिक करावे.

यानंतर प्रणाली तपासेल की लाभार्थ्याची KYC आधीच पूर्ण झाली आहे की नाही.

* जर आधीच पूर्ण झाली असेल, तर “e-KYC आधीच पूर्ण झाली आहे” असा संदेश दिसेल.

* जर पूर्ण झाली नसेल, तर आधार क्रमांक मुख्यमंत्री माझी लाडकी बहीण योजनेच्या पात्र यादीत आहे की नाही हे तपासले जाईल.

जर आधार क्रमांक पात्र यादीत असेल, तर पुढील टप्प्याला जाता येईल.

यानंतर लाभार्थ्याने पती किंवा वडिलांचा आधार क्रमांक तसेच पडताळणी संकेतांक (Captcha Code) नमूद करावा. संमती दर्शवून Send OTP वर क्लिक करावे. OTP संबंधित मोबाईलवर प्राप्त झाल्यावर तो टाकून Submit बटणावर क्लिक करावा.

त्यानंतर लाभार्थ्याला आपला जात प्रवर्ग निवडावा लागेल आणि खालील बाबी प्रमाणित (Declaration) कराव्या लागतील:

1. माझ्या कुटुंबातील सदस्य नियमित/कायम कर्मचारी म्हणून शासकीय विभाग/उपक्रम/मंडळ/भारत सरकार किंवा राज्य शासनाच्या स्थानिक संस्थेत कार्यरत नाहीत किंवा सेवानिवृत्तीनंतर निवृत्तीवेतन घेत नाहीत.

2. माझ्या कुटुंबातील केवळ १ विवाहित आणि १ अविवाहित महिला या योजनेचा लाभ घेत आहे. वरील बाबींची नोंद करून चेक बॉक्सवर क्लिक करावे व Submit बटण दाबावे.

शेवटी, “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल.

 

आणखी वाचा