दरमहा फक्त 5000 रुपयांची गुंतवणूक करा 1 कोटीचे मालक व्हा, नेमकी काय आहे योजना?

आपल्यापैकी बहुतेक जण करोडपती होण्याचे स्वप्न पाहतात. पण हे स्वप्न तेव्हाच प्रत्यक्षात येते जेव्हा आपण योग्य नियोजन आणि शिस्तीने पैशांची गुंतवणूक करता.

Investment

Source : Investment Plan

Investment Plan : आपल्यापैकी बहुतेक जण करोडपती होण्याचे स्वप्न पाहतात. पण हे स्वप्न तेव्हाच प्रत्यक्षात येते जेव्हा आपण योग्य नियोजन आणि शिस्तीने पैशांची गुंतवणूक करता. या धावपळीच्या जीवनात, जर तुम्हालाही श्रीमंत व्हायचे असेल, तर तुम्हाला गुंतवणुकीबद्दल जागरूक असणे आवश्यक आहे. तुम्ही दरमहा फक्त 5000 रुपयांची बचत करुनही करोडपती होऊ शकता. जाणून घेऊयात नेमकी काय आहे योजना. 

5000 रुपयांची बचत करुन कसे व्हाल करोडपती?

जर तुम्ही दरमहा फक्त 5000 रुपयांची बचत करायला सुरुवात केली आणि ती योग्य गुंतवणूक माध्यमातून गुंतवली, तर काही वर्षातच तुम्ही 1 कोटी रुपयांचे मालक बनू शकता. SIP ही एक पद्धत आहे ज्यामध्ये तुम्ही दरमहा म्युच्युअल फंडात निश्चित रक्कम गुंतवून करोडपती बनू शकता. जेव्हा तुम्ही दरमहा म्युच्युअल फंडात 5000 रुपयांची SIP करता तेव्हा तुम्हाला त्यावर 15 टक्के वार्षिक परतावा मिळतो, म्हणजे 22 वर्षांनी तुम्ही करोडपती व्हाल. तुमच्याकडे 1.03 कोटी रुपये असतील आणि 22 वर्षांनी तुम्ही 13.20 लाख रुपये जमा कराल.जर तुम्हाला 17 टक्के वार्षिक परतावा मिळाला, तर 5 हजार रुपये मासिक गुंतवण्यावर, तुम्ही 20 वर्षांत 1.01 कोटी रुपये उभारु शकता. एवढेच नाही तर, जर तुम्ही दरमहा 5 हजार रुपये गुंतवणूक केली आणि त्यात फक्त 10 टक्के वाढ केली, तर 12 टक्के वार्षिक परतावा दरानेही 20 वर्षांनी तुमच्याकडे 1 कोटी रुपये असतील.

जर तुम्ही दरमहा 5 हजार रुपये गुंतवले आणि त्यात 10 टक्के वाढ केली तर तुम्हाला 15 टक्के वार्षिक परतावा मिळेल आणि 20 वर्षांनी तुम्हाला 1 कोटी 39 लाख 18 हजार 156 रुपये मिळतील. या काळात तुम्ही एकूण 3436500 रुपये गुंतवाल. 

एसआयपी म्हणजे नेमकं काय?

एसआयपी (सिस्टीमॅटिक इन्व्हेस्टमेंट प्लॅन) ही म्युच्युअल फंडमध्ये गुंतवणूक करण्याचा एक मार्ग आहे. तुम्ही आठवड्याला, मासिक किंवा तिमाही आधारावर ठराविक रक्कम निधीमध्ये गुंतवू शकता. एसआयपी लवचिक असतात आणि तुम्ही तुमच्या आर्थिक परिस्थितीनुसार गुंतवणूक रक्कम बदलू शकता. एसआयपीमुळे जोखीम कमी होऊन आणि बाजारातील चढ-उतारांची सरासरी काढून कालांतराने संपत्ती निर्माण होण्यास मदत होते. बाजाराच्या वेळेची चिंता न करता त्यांची आर्थिक उद्दिष्टे हळूहळू साध्य करू इच्छिणाऱ्या नवीन आणि अनुभवी गुंतवणूकदारांना हा एक उत्तम पर्याय वाटेल. या माध्यमातून तुम्हा चांगला नफा कमवू शकता. 

महत्वाच्या बातम्या: