![ABP Premium](https://cdn.abplive.com/imagebank/Premium-ad-Icon.png)
Gold Silver Price : सोन्याचा भाव 'जैसे थे' तर चांदीच्या भावात किरकोळ वाढ
Gold Silver Price : मुंबई आणि पुण्यात आज 22 कॅरेटच्या सोन्याचा भाव हा 48,230 रुपये इतका आहे तर 24 कॅरेट सोन्याचा भाव हा 49,230 रुपये इतका आहे. आज एक किलो चांदीचा भाव हा 72,000 रुपये इतका आहे.
![Gold Silver Price : सोन्याचा भाव 'जैसे थे' तर चांदीच्या भावात किरकोळ वाढ Gold Silver Price today MCX Mumbai Pune no change in gold rate 100 rs hike in silver Gold Silver Price : सोन्याचा भाव 'जैसे थे' तर चांदीच्या भावात किरकोळ वाढ](https://feeds.abplive.com/onecms/images/uploaded-images/2021/05/31/ed5a46041f3b90f1440b08bb62091dc3_original.png?impolicy=abp_cdn&imwidth=1200&height=675)
मुंबई : गुरुवारी बाजार बंद होताना सोन्याच्या भावात कोणताही बदल झाला नाही तर चांदीच्या भावात किरकोळ म्हणजे 100 रुपयांची वाढ झाल्याचं पहायला मिळतंय. मुंबई आणि पुण्यात आज 22 कॅरेटच्या सोन्याचा भाव हा 48,230 रुपये इतका आहे तर 24 कॅरेट सोन्याचा भाव हा 49,230 रुपये इतका आहे. आज एक किलो चांदीचा भाव हा 72,000 रुपये इतका आहे.
बुधवारी आणि गुरुवारी सलग दोन दिवस सोन्याच्या भावात कोणताही बदल झालेला नाही. त्या आधी मंगळवारी बाजार बंद होताना सोन्याच्या भावात अचानक 1330 रुपयांची वाढ झाली होती आणि ते 49,230 रुपयांवर पहोचलं. 31 मे रोजी 110 रुपयांची आणि 1 जून रोजी 200 रुपये वाढ झाली होती. 20 मे रोजी 10 ग्रॅम 22 कॅरेट सोन्याचा भाव 46,000 रुपये होता, तर 10 ग्रॅम 24 कॅरेट सोन्याचा भाव 47,000 हजार रुपये होता. त्यानंतर 21 मेपासून 26 मेपर्यंत सोन्याचे भाव स्थिर असल्याचं पाहायला मिळत होतं. 26 मेला अचानक त्यामध्ये तेजी आली आणि 800 रुपयांनी तो वधारला. 27 तारखेला पुन्हा त्यामध्ये 200 रुपयांची घट झाल्याचं पहायला मिळालं. त्यानंतर 28 मे रोजी 110 रुपयांची घट, 29 मे रोजी 90 रुपयांची वाढ, 30 मे रोजी 10 तर 30 मे रोजी 110 रुपयांची वाढ झाली.
आज चांदीच्या भावात 100 रुपयांची वाढ होऊन तो 72,000 इतका झाला आहे. त्या आधी बुधवारी चांदीच्या किंमतीत 700 रुपयांची घसरण झाल्याचं पहायला मिळालं होतं. 1 जून रोजी 600 रुपयांची वाढ तर 31 मे रोजी 400 रुपयांची वाढ झालेली दिसून येतंय. सोन्याच्या तुलनेत चांदीचा भाव हा सातत्याने वाढताना दिसत आहे.
मुंबईतील सोन्याच्या भावावर आंतरराष्ट्रीय दराचा जरी फरक पडत असला तरी काही स्थानिक गोष्टीही प्रभाव टाकतात. इंडियन बुलियन ज्वेलर्स असोसिएशनकडून मुंबईतील सोन्याचा दर ठरवला जातोय. त्यामध्ये स्थानिक आयात कर आणि MCX या कमोडिटी मार्केटचा विचार केला जातो. MCX हे देशातील सर्वात मोठे कमोडिटी मार्केट असून या ठिकाणी सोन्याचा भाव ठरवला जातो.
ऑगस्ट 2020 मध्ये सोन्याच्या भावाने प्रती 10 ग्रॅमसाठी 56 हजार रुपयांचा विक्रमी आकडा गाठला होता. त्यानंतर सोन्याच्या भावामध्ये आता जवळपास 11 हजारांहून जास्त रुपयांची घसरण झाली होती. आता हळूहळू सोन्याच्या भावात वाढ होत आहे आणि ते पन्नास हजारांकडे वाटचाल करताना दिसत आहे.
महत्वाच्या बातम्या :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)