राम मंदिर उद्घाटन सोहळ्याचा उत्साह, राजकारण्यापासून अदानी-अंबानींचा कल अयोध्येकडे; 'या' कंपन्यांचा होणार मोठा फायदा

येत्या 22 जानेवारीला अयोध्येत राम मंदिराचा उद्घाटन सोहळा (Ram temple inauguration ceremony) संपन्न होणार आहे. यानिमित्त देशभर मोठा उत्साह पाहायला मिळत आहे.

Gautam Adani and Mukesh Ambani (Photo Credit : Abp Majha)

Ram Mandir : येत्या 22 जानेवारीला अयोध्येत राम मंदिराचा उद्घाटन सोहळा (Ram temple inauguration ceremony) संपन्न होणार आहे. यानिमित्त देशभर मोठा उत्साह पाहायला मिळत आहे. राम मंदिर उद्घाटन सोहळ्याच्या पार्श्वभूमीवर देशातील राजकारणापासून व्यवसायापर्यंत प्रत्येक वर्ग उत्तर प्रदेशातील अयोध्या धामकडे वळला आहे. तसेच देशातील बडे उद्योगपती असणारे मुकेश अंबानी (Mukesh Ambani) आणि गौतम अदानी (Gautam Adani) यांच्या मोठ्या कंपन्या देखील कामाला लागल्या आहेत. या काळात उद्योगपतींच्या कंपन्यांना मोठा फायदा होणार आहे. 
 
अयोध्येतील राम मंदिरामुळं देशातील बड्या उद्योगपतींचा मोठा फायदा होणार आहे. 3.5 लाख लोकसंख्या असलेल्या अयोध्या शहरात 'राममंदिर' सुरू झाल्यानंतर सुमारे 10 लाख यात्रेकरू मोठ्या संख्येने अयोध्येला पोहोचणार आहेत. त्यामुळं व्यापारी वर्गाला या ठिकाणी व्यवसायाची मोठी संधी मिळणार आहे. सध्या अयोध्येत आंतरराष्ट्रीय विमानतळ सुरु झाले आहे. सरकारने अयोध्येसाठी 'वंदे भारत' सारखी प्रीमियम ट्रेन सेवाही सुरू केली आहे. अशा परिस्थितीत, कोका-कोलापासून बिसलेरी, हजमोला ते पार्ले आणि अंबानी-अदानी यांच्या ग्राहक उत्पादन कंपन्या व्यवसायाची एकही संधी सोडत नाहीत.

हजमोला'ला प्रोत्साहन देण्यासाठी एक अनोखी रणनीती 

राम मंदिराच्या पार्श्वभूमीवर डाबर ग्रुपने आपल्या लोकप्रिय ब्रँड 'हजमोला'ला प्रोत्साहन देण्यासाठी एक अनोखी रणनीती अवलंबली आहे. 22 डिसेंबर 2024 रोजी प्राणप्रतिष्ठा सोहळ्यासाठी येणार्‍या पाहुण्यांना विविध ठिकाणी उपलब्ध खाद्यपदार्थ आणि भंडारासह हजमोलाचे मोफत वाटप केले जाणार आहे. याशिवाय, कंपनी तुलसी उद्यान, अयोध्येत एक अनुभव केंद्र बांधत आहे. जिथे लोक डाबरची इतर उत्पादने जसे की तेल, हर्बल चहा, खरा रस इत्यादी वापरुन पाहणार आहेत. तर लखनौ, वाराणसी आणि गोरखपूरहून अयोध्येकडे येणाऱ्या महामार्गावरील ढाब्यांसोबतही डाबरने हातमिळवणी केली आहे. कंपनी त्यांच्या शेल्फ् 'चे नवीन ब्रँडिंग तसेच नवीन होर्डिंग देत आहे.

कोकाकोलाकडून राम मंदिराची थीम' लाँच

कोकाकोलाने आपला व्यवसाय वाढवण्यासाठी 'मंदिर थीम' लाँच केली आहे. आतापर्यंत कंपनीने आपल्या ब्रँडिंगमध्ये नेहमीच 'लाल' रंग वापरला होता, परंतू, आता कंपनीने त्याऐवजी ब्राउन थीममध्ये ब्रँडिंग लॉन्च केले आहे. एवढेच नाही तर कंपनीने 'राममंदिर'कडे जाणाऱ्या रस्त्यांवर 50 हून अधिक वेंडिंग मशीन्स बसवल्या आहेत. तर अयोध्येत आणखी 50 व्हेंडिंग मशिन्स बसवण्याची चर्चा सुरू आहे.  कंपनीने अयोध्येतील दुकानांमध्ये नवीन होर्डिंग आणि कुलर देखील लाँच केले आहेत.

उत्पादनांची जाहिरात मोठ्या प्रमाणात

राम मंदिराच्या पार्श्वभूमीवर उद्योजक मुकेश अंबानी यांच्या रिलायन्स कंझ्युमर प्रॉडक्ट्स लिमिटेड आणि गौतम अदानी यांच्या 'फॉर्च्यून' ब्रँडनेही तयारी केली आहे. रिलायन्स इंडस्ट्रीजने आपल्या 'कॅम्पाकोला' ब्रँडचे अयोध्येतील भागात आक्रमकपणे मार्केटिंग केले आहे, तर कंपनी 'स्वातंत्र्य' ब्रँडचा प्रचार करत आहे. अशातच अदानी विल्मार आपल्या 'फॉर्च्यून' ब्रँड उत्पादनांची विक्री वाढवण्यावर भर देत आहे. तसेच कंपनी आपल्या उत्पादनांची जाहिरातही करत आहे. ITC अयोध्येत आपल्या 'मंगलदीप' अगरबत्ती ब्रँडचा प्रचार करत आहे.

दरम्यान, अनेक कंपन्यांनी केवळ ब्रँडिंगसाठी अयोध्येत होर्डिंग्ज लावले नाहीत. किंबहुना त्यांनी अनेक ठिकाणी आपले किऑस्कही उभारले आहेत. याशिवाय सरयूच्या काठावर अनेक कंपन्यांनी चेंजिंग रुम्स बनवले आहेत. ज्यावर त्यांनी त्यांचे ब्रँडिंग लावले आहे. बिसलेरी, पार्ले, इमामी असे अनेक ब्रँड अयोध्येत पोहोचले आहेत. त्यामुळं राम मंदिर उद्घाटन सोहळ्याचा उद्योजकांना अनेक व्यापाऱ्यांना मोठा फायदा होणार आहे. कारण या काळात कोट्यधी रुपयांची उलाढाला होणार आहे. 

महत्त्वाच्या बातम्या: