Mohammed Siraj Vs Travis Head : मॅथ्यू हेड सिराजला नेमकं काय म्हणाला आणि डीएसपी खवळला? खेळ संपताच फक्त दोन शब्दात उत्तर!
Mohammed Siraj Vs Matthew Head : मोहम्मद सिराजने त्याच्या अप्रतिम यॉर्कर चेंडूने हेडला चकवले आणि क्लीन बोल्ड झाला. यानंतर जाताना हेड काही उद्देशून बोलताच सिराज खूप रागावलेला दिसला.
Mohammed Siraj Vs Matthew Head : ॲडलेडमध्ये खेळल्या जात असलेल्या दिवस-रात्र कसोटी सामन्यात ऑस्ट्रेलियन फलंदाज ट्रॅव्हिस हेडने शानदार शतक झळकावले. या खेळीने भारताच्या अडचणी वाढल्या. हेडच्या शतकाच्या जोरावर ऑस्ट्रेलियाने भारतावर आघाडी घेतली असून सामन्यावरील आपली पकडही मजबूत केली आहे. हेड त्याच्या झंझावाती फलंदाजीसाठी ओळखला जातो. शतक पूर्ण केल्यानंतर हेड अधिक मोकळेपणाने खेळत होता. सरतेशेवटी मोहम्मद सिराजने त्याचा डाव संपवला, पण पुढे जे घडले त्यामुळे संपूर्ण स्टेडियम सिराजच्या विरोधात फिरले. हेडने 141 चेंडूंचा सामना करत 17 चौकार आणि चार षटकारांच्या मदतीने 140 धावा केल्या. हेडने सुरुवात संथगतीने केली, पण स्वत:ला सेट करताच वेगाने धावा केल्या. हेडने 111 चेंडूत आपले शतक पूर्ण केले, जे दिवस-रात्र कसोटी सामन्यातील सर्वात जलद शतक आहे.
ऑस्ट्रेलियन प्रेक्षक सिराजला शिव्या घालू लागले
मोहम्मद सिराजने अप्रतिम यॉर्कर चेंडूने हेडला चकवले आणि क्लीन बोल्ड झाला. यानंतर जाताना हेड काही उद्देशून बोलताच सिराज खूप रागावलेला दिसला. सिराजने हेडकडे बघत त्याला बाहेर जाण्याचा इशारा केला आणि काही शब्द सुद्धा बोलला. सिराजकडे बघून तो हेडला शिव्या घालतोय असे वाटले. दोघांमधील हे शाब्दिक युद्ध पाहून संपूर्ण स्टेडियममध्ये एकच गोंधळ उडाला आणि ऑस्ट्रेलियन प्रेक्षक सिराजला शिव्या घालू लागले. जेव्हा हेड पॅव्हेलियनमध्ये परत जात होता तेव्हा सर्वांनी उभे राहून त्याच्यासाठी टाळ्या वाजवल्या.
Travis Head said, "I said well bowled to Siraj, he got a little bit back from me after he pointed me to the shed. Slightly disappointed with the way that transpired. If they want to react like that and that's how they want to represent themselves, then so be it". pic.twitter.com/Sr3QzKkOGY
— Mufaddal Vohra (@mufaddal_vohra) December 7, 2024
खेळ संपताच हेड काय म्हणाला?
खेळ संपताच ट्रॅव्हिस हेड म्हणाला, "मी म्हणालो की सिराजने चांगली गोलंदाजी केली, मला शेडच्या दिशेने दाखवल्यानंतर त्याने माझ्यापासून थोडेसे मागे आला. ज्याप्रकारे हे घडले त्याबद्दल थोडा निराश झाला. जर त्याला तशी प्रतिक्रिया द्यायची असेल तर आणि तुम्हाला असेच करायचे आहे, तर स्वतःचे प्रतिनिधित्व करत आहात"
Travis Head said, "I said 'well bowled' to Mohammad Siraj, but I think he misunderstood me". pic.twitter.com/b6Q03v1KB1
— Mufaddal Vohra (@mufaddal_vohra) December 7, 2024
दरम्यान, या इनिंगमध्ये हेडने आपल्या झंझावाती फलंदाजीने मोठे विक्रम केले आहेत. दिवस-रात्र कसोटीत सर्वात जलद शतक झळकावणारा तो फलंदाज ठरला. त्याने स्वतःचाच विक्रम मोडला. हेडने 2022 मध्ये होबार्टमध्ये इंग्लंडविरुद्ध 112 चेंडूत शतक झळकावले होते. या यादीत हेडही तिसऱ्या क्रमांकावर आहे. 2022 मध्ये त्याने ॲडलेडमध्ये वेस्ट इंडिजविरुद्ध 125 चेंडूत शतक झळकावले होते. याशिवाय तो दिवस-रात्र कसोटी सामन्यांमध्ये सर्वाधिक शतके झळकावण्याच्या बाबतीत तिसऱ्या स्थानावर पोहोचला आहे. हेडने दिवस-रात्र कसोटी सामन्यात तीन शतके झळकावली आहेत. त्याच्या पुढे त्याच्याच देशाच्या मार्नस लॅबुशेनचे नाव आहे ज्याच्या नावावर चार शतके आहेत. पाकिस्तानचा असद शफीक आणि श्रीलंकेचा दिमुथ करुणारत्ने यांनी प्रत्येकी दोन शतके झळकावली आहेत.
इतर महत्वाच्या बातम्या
महत्त्वाच्या बातम्या
