PM Kisan: 5 ऑक्टोबरला मिळणार 2000 रुपये, देशातील 9 कोटींहून अधिक शेतकऱ्यांना मिळणार फायदा   

शेतकऱ्यांसाठी अत्यंत महत्वाची बातमी आहे. देशातील 9 कोटींहून अधिक शेतकऱ्यांना पंतप्रधान किसान सन्मान निधी योजनेचा 18 वा हप्ता येत्या शविनारी म्हणजे 5 ऑक्टोबरला मिळणार आहे.

Pradhan Mantri Kisan Samman Nidhi

Source : Pradhan Mantri Kisan Samman Nidhi

Pradhan Mantri Kisan Samman Nidhi: शेतकऱ्यांसाठी अत्यंत महत्वाची बातमी आहे. देशातील 9 कोटींहून अधिक शेतकऱ्यांना पंतप्रधान किसान सन्मान निधी योजनेचा 18 वा हप्ता येत्या शविनारी म्हणजे 5 ऑक्टोबरला मिळणार आहे. हा दिवस खूप महत्त्वाचा आहे, कारण या दिवशी हरियाणा विधानसभा निवडणूक-2024 साठी मतदान होणार आहे.

देशातील शेतकऱ्यांना मदत करण्यासाठी केंद्र सरकारने 'पीएम किसान सन्मान निधी योजना' लागू केली आहे. या योजनेअंतर्गत सुमारे 9 कोटी शेतकऱ्यांना वार्षिक 6,000 रुपयांची आर्थिक मदत मिळते. यावेळी योजनेचा 18 वा हप्ता 5 ऑक्टोबर 2024 रोजी जारी केला जाणार आहे. त्याच दिवशी हरियाणामध्ये विधानसभा निवडणुकीसाठी मतदान होणार आहे, जिथे 15 लाखांहून अधिक शेतकऱ्यांना या योजनेचा लाभ मिळणार आहे. पीएम किसान योजनेच्या वेबसाइटनुसार, पंतप्रधान नरेंद्र मोदी 5 ऑक्टोबर 2024 रोजी या योजनेचा 18 वा हप्ता जारी करतील. या योजनेचा खर्च पूर्णपणे केंद्र सरकार उचलत आहे, मात्र, या योजनेचे पैसे त्याच दिवशी हरियाणातील शेतकऱ्यांना देण्यात येणार आहेत की नाही हे अद्याप स्पष्ट झालेले नाही. साधारणपणे, योजनेचे पैसे एकाच तारखेला एकाच वेळी सर्व लाभार्थ्यांच्या खात्यात थेट येतात.

पेरणीच्या वेळी पैशांची मदत 

पीएम किसान योजनेंतर्गत शेतकऱ्यांना दरवर्षी 3 हप्त्यांमध्ये पैसे दिले जातात. त्यामुळे शेतकऱ्यांना वेळोवेळी दोन ते दोन हजार रुपये मिळत राहतात. यामुळं शेतकऱ्यांना पेरणीच्या वेळी खते आणि बियाणे खरेदी करण्याच्या महत्त्वाच्या कामात मदत होते. पीएम किसान योजनेअंतर्गत संपूर्ण काम डिजिटल पद्धतीने पूर्ण केले जाते. या व्यवस्थेत थेट सरकार आणि शेतकरी यांच्यात व्यवहार होतात आणि त्यामध्ये कोणीही मधला माणूस नसतो. यामुळे सरकारला निधीची गळती रोखण्यास आणि भ्रष्टाचाराला आळा घालण्यास मदत होते.

17 वा हप्ता जुलैमध्ये जारी करण्यात आला होता

पीएम-किसान योजनेचा 17 वा हप्ता जुलैमध्ये जारी करण्यात आला होता. त्यानंतर केंद्र सरकारने या योजनेच्या लाभार्थ्यांसाठी सुमारे 20,000 कोटी रुपये जारी केले होते, ज्याचा फायदा 9.26 कोटी शेतकऱ्यांना झाला. केंद्र सरकारची ही योजना 2019 मध्ये सुरू करण्यात आली. 

फायदा मिळवण्यासाठी eKYC आवश्यक 

पीएम किसानचे फायदे मिळवण्यासाठी, शेतकऱ्यांना त्याच्या वेबसाइटवर जाणे आणि ई-केवायसी करणे अनिवार्य आहे. कोणताही शेतकरी ज्याचे ई-केवायसी पूर्ण नाही तो पीएम किसानचे फायदे मिळवण्यास पात्र नाही.  त्याच्या खात्यावर पैसे पोहोचत नाहीत. त्यामुळे शेतकऱ्यांनी त्यांचे ई-केवायसी वेळेवर पूर्ण करावे. पीएम किसान पोर्टलवर, तुम्ही मोबाइल नंबर आणि आधार कार्डच्या मदतीने ओटीपीच्या मदतीने तुमचे ई-केवायसी करू शकता. तुम्ही तुमच्या जवळच्या कॉमन सर्व्हिस सेंटरला (CSC) भेट देऊन पूर्ण केलेले ई-केवायसी देखील मिळवू शकता.

महत्वाच्या बातम्या: