मतदान करा, सवलत मिळवा! मतदारासांठी फ्लाइट ते जेवणापर्यंत खास सूट, सविस्तर माहिती एका क्लिकवर 

देशात जास्तीत जास्त मतदान व्हावं यासाठी मतदारांना (Voter) आकर्षित करण्यासाठी विविध कंपन्यांकडून प्रयत्न केले जात आहेत. अनेक कंपन्या मतदान करणाऱ्यांना विशेष सवलत देत आहेत.

Discount For Voters News loksabha election 2024

Discount For Voters: देशात लोकसभा निवडणुकांची (Loksabha Election) रणधुमाळी सुरु आहे. आज दुसऱ्या टप्प्यातील मतदान प्रक्रिया पार पडत आहे. देशातील 80 जागांवर आज मतदान प्रक्रिया पार पडणार आहे. देशात जास्तीत जास्त मतदान व्हावं यासाठी मतदारांना (Voter) आकर्षित करण्यासाठी विविध कंपन्यांकडून प्रयत्न केले जात आहेत. अनेक कंपन्या मतदान करणाऱ्यांना विशेष सवलत देत आहेत. जाणून घेऊयात याबाबत सविस्तर माहिती.

देशातील 80 लोकसभा मतदारसंघात आज मतदान 

आज देशात दुसऱ्या टप्प्यातील मतदान प्रक्रिया पार पडत आहे. देशातील 80 लोकसभा मतदारसंघात मतदान होत आहे. यामध्ये महाराष्ट्रातील सात मतदारसंघाचा समावेश आहे.  निवडणुकीच्या पार्श्वभूमीवर देशातील दिग्गज नेत्यांच्या प्रतिष्ठा पणाला लागल्या आहेत. आता देशातील जनता कोणाा कौल देणार हे पाहणं महत्वाचं ठरणार आहे. यासाठी मात्र, सर्वांनाचं 4 जूनची वाट पाहावी लागणार आहे. कारण 4 जून रोजी लोकसभेचा निकाल लागणार आहे. दरम्यान, या निवडणुकीत जास्तीत जास्त मतजान व्हावं यासाठी निवडणूक आयोगासह विविध संस्था मतदारांना मतदानासाठी प्रोत्साहित करत आहेत. विविध कंपन्या ऑफर्स देखील देत आहेत. 

विमान प्रवासासाठी 19 टक्क्यांची सूट

मतदारांनी मतदान करावं यासाठी विविध कंपन्या आपल्या सेवांमध्ये सूट देत आहेत. फ्लाइटपासून ते जेवणापर्यंत खास ऑफर सुरु आहेत. एव्हिएशन कंपनी एअर इंडिया एक्सप्रेस 18 ते 22 वर्षे वयोगटातील मतदारांना प्रथमच मतदान करण्यासाठी भाड्यात विशेष सवलत देत आहे. जर तुम्ही पहिल्यांदाच मतदान करत असाल आणि तुम्हाला जर मतदानासाठी जायचे असेल तर फ्लाइटच्या भाड्यात  19 टक्के विशेष सवलत देण्यात येत आहे. ही सवलत देशांतर्गत उड्डाणांसह आंतरराष्ट्रीय फ्लाइट्सवरही देण्यात आली आहे. 

मतदारांना मतदान केंद्रापर्यंत नेण्यासाठी वाहनांची सेवा

दरम्यान, मतदारांना आकर्षित करण्यासाठी BlueSmart या इलेक्ट्रिक वाहन राइड हॅलिंग सेवा प्रदान करणाऱ्या कंपनीने आपल्या भाड्यात सवलत देण्याचा निर्णय घेतलाय. ही कंपनी दिल्ली आणि बंगळुरुमध्ये मतदारांना मतदान केंद्रापर्यंत नेण्यासाठी आणि परत आणण्यासाठी भाड्यात सवलत देत आहे. Enrich हे आपल्या सलून चेनमधील मतदारांना 50 टक्के अतिरिक्त सवलत किंवा रिवॉर्ड पॉइंट देत आहे. ही सेवा अहमदाबाद, बंगळुरु, मुंबई, इंदूर, पुणे या शहरांसाठी आहे.  तर अनेक ठिकाणच्या हॉटेलमध्ये मतदान केलेल्यांना खास सूट देण्यात येत आहे. विविध कॅफेमध्येही ऑफर्स देण्यात येत आहेत. 

महत्वाच्या बातम्या: