![metaverse](https://cdn.abplive.com/imagebank/metaverse-top.png)
Share Market : शेअर बाजारातील पाच सत्रांच्या तेजीला लगाम, Sensex 709 तर Nifty 208 अंकांनी घसरला
Share Market : ऑटो क्षेत्र सोडलं तर आज सर्व क्षेत्रातील शेअर्समध्ये घसरण झाल्याचं चित्र आहे. IT, मेटल, उर्जा, ऑईल अॅन्ड गॅस या क्षेत्रामध्ये 1 ते 4 टक्क्यांची घसरण झाली आहे.
![Share Market : शेअर बाजारातील पाच सत्रांच्या तेजीला लगाम, Sensex 709 तर Nifty 208 अंकांनी घसरला Closing Bell Share Market snaps 5 day winning streak Nifty ends below 16700 metals worst hit Share Market : शेअर बाजारातील पाच सत्रांच्या तेजीला लगाम, Sensex 709 तर Nifty 208 अंकांनी घसरला](https://feeds.abplive.com/onecms/images/uploaded-images/2022/01/24/e9b63405bc7d5b5d83435383380d00e8_original.jpg?impolicy=abp_cdn&imwidth=1200&height=675)
मुंबई: सलग पाच सत्रं शेअर बाजारात तेजी आल्यानंतर आता त्या तेजीला लगाम लागल्याचं दिसून आलं आहे. आज शेअर बाजार बंद होताना सेन्सेक्स 709 अंकांनी घसरला आहे तर निफ्टीही 208 अंकानी घसरला आहे. सेन्सेक्समध्ये 1.26 टक्क्यांची घसरण होऊन तो 55,776.85 वर पोहोचला आहे तर निफ्टीमध्ये 1.23 टक्क्यांची घसरण होऊन तो 16,663 वर पोहोचला आहे.
आज 1296 कंपन्यांच्या शेअर्समध्ये वाढ झाली आहे तर 2014 शेअर्समध्ये घसरण झाली आहे. 95 कंपन्यांच्या शेअर्सच्या किंमतीत कोणताही बदल झाला नाही.
आज बाजार बंद होताना ऑटो क्षेत्र सोडलं तर आज सर्व क्षेत्रातील शेअर्समध्ये घसरण झाल्याचं चित्र आहे. IT, मेटल, उर्जा, ऑईल अॅन्ड गॅस या क्षेत्रामध्ये 1 ते 4 टक्क्यांची घसरण झाली आहे. BSE मिडकॅप आणि स्मॉलकॅपमध्येही 0.5 टक्क्यांची घसरण झाली आहे.
मंगळवारी शेअर बाजारातील Hindalco Industries, ONGC, Tata Steel, Coal India आणि JSW Steel या कंपन्यांच्या निफ्टीमध्ये मोठी घसरण झाली असून Tata Consumer Products, M&M, Cipla, Shree Cements आणि Maruti Suzuki या कंपन्यांच्या निफ्टीमध्ये वाढ झाली आहे.
या कंपन्यांचे शेअर्स वधारले
- TATA Cons. Prod- 3.65 टक्के
- M&M- 2.42 टक्के
- Shree Cements- 1.96 टक्के
- Cipla- 1.85 टक्के
- Maruti Suzuki- 1.41 टक्के
या कंपन्यांचे शेअर्स घसरले
- Hindalco- 5.26 टक्के
- Tata Steel- 4.88 टक्के
- ONGC- 4.69 टक्के
- Coal India- 4.13 टक्के
- JSW Steel- 3.56 टक्के
दरम्यान, कच्च्या तेलाचा प्रति बॅरल 140 डॉलरवर गेलेला भाव प्रति बॅरल 110 रुपयांच्या जवळपास आला आहे. त्याशिवाय तेल उत्पादक देशांनीही आपलं उत्पादन वाढवायला सुरुवात केली आहे. युरोपियन देशही निर्बंध न लागल्यामुळं रशियाकडून तेल घेत आहेत. त्यामुळे येत्या काळात शेअर बाजारात त्याचे सकारात्मक परिणाम दिसून येतील अशी शक्यता वर्तवण्यात येत आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)