Share Market : मोठ्या अस्थिरतेनंतर शेअर बाजार सावरला, Sensex 54 अंकांनी वधारला

Stock Market Updates : रिअॅलिटी क्षेत्रातल्या इंडेक्समध्ये एक टक्क्यांची वाढ झाली, तर बँक, कॅपिटल गुड्स आणि मेटलच्या इंडेक्समध्ये प्रत्येकी 0.5 टक्क्यांची वाढ झाली.

By : एबीपी माझा वेब टीम | Updated at : 24 Aug 2022 04:17 PM (IST)

share market

Source : Getty

मुंबई: शेअर बाजारातील (Share Market) आजचा दिवस काहीसा अस्थिरतेचा असल्याचं दिसून आलं. मुंबई शेअर बाजाराचा निर्देशांक सेन्सेक्समध्ये (Sensex) आज 54 अंकांची वाढ झाली. तर राष्ट्रीय शेअर बाजाराचा निर्देशांक निफ्टीमध्ये 27 अंकांची वाढ झाली. सेन्सेक्समध्ये आज 0.09 टक्क्यांची वाढ होऊन तो 59,085 वर स्थिरावला. तर निफ्टीमध्ये 0.16 टक्क्यांची वाढ होऊन तो 17,605 वर स्थिरावला. बँक निफ्टीमध्ये 340 अंकांची वाढ आज शेअर बाजारात 2076 कंपन्यांच्या शेअर्समध्ये वाढ झाली, तर 1259 कंपन्यांच्या शेअर्समध्ये घसरण झाली. तसेच आज 131 कंपन्यांच्या शेअर्समध्ये कोणताही बदल झालेला नाही.

आज शेअर बाजार बंद होताना Apollo Hospitals, IndusInd Bank, ONGC, NTPC आणि ICICI Bank या कंपन्यांच्या निफ्टीमध्ये वाढ झाली. तर BPCL, Tata Steel, Divis Laboratories, Sun Pharma आणि TCS कंपन्यांच्या निफ्टीमध्ये घसरण झाली.

आज रिअॅलिटी क्षेत्रातल्या इंडेक्समध्ये एक टक्क्यांची वाढ झाली, तर बँक, कॅपिटल गुड्स आणि मेटलच्या इंडेक्समध्ये प्रत्येकी 0.5 टक्क्यांची वाढ झाली. बीएसई मिडकॅप आणि स्मॉलकॅपमध्ये 0.5 टक्क्यांची वाढ झाली.

रुपया वधारला

मंगळवारच्या तुलनेत आज रुपयाची किंमत सात पैशांनी वधारल्याचं दिसून आलं. आज डॉलरच्या तुलनेत रुपयाची किंमत 79.81 इतकी आहे.

शेअर बाजाराची सुरुवात

शेअर बाजारात आजही विक्रीचा दबाव असल्याचे चित्र (Share Market) आहे. शेअर बाजारातील आजच्या व्यवहाराची सुरुवात घसरणीसह झाली आहे. आज बाजारात सुरुवातीला सेन्सेक्स 177.98 अंकांच्या घसरणीसह 58,853 अंकांवर खुला झाला. तर निफ्टी निर्देशांक 52.05 अंकांच्या घसरणीसह 17525 अंकांवर खुला झाला. त्यानंतर बाजार काही प्रमाणात सावरल्याचे चित्र होते. सकाळी 9.35 वाजण्याच्या सुमारास सेन्सेक्स निर्देशांक 152 अंकांच्या घसरणीसह 58,878.53 अंकांवर व्यवहार करत होता. तर, निफ्टी निर्देशांक 40 अंकाच्या घसरणीसह 17,536.90 अंकांवर व्यवहार करत होता.