Share Market : ब्लॅक मंडे! शेअर मार्केट गडगडलं, Sensex 1545 अंकांनी घसरला तर Nifty 17200 पर्यंत खाली
Share Market : शेअर मार्केटमध्ये आज ऑटो, बँक आयटी, मेटल, उर्जा, फार्मा या कंपन्यांच्या शेअर्समध्ये मोठी घसरण झाली आहे.
मुंबई: शेअर मार्केटसाठी आजचा दिवस आहे ब्लॅक मंडे ठरला आहे. आजच्या दिवशी शेअर बाजारात शेअर्सची झपाट्याने विक्री झाल्याचं दिसून आलं. आज शेअर मार्केट बंद होताना सेन्सेक्स 1545 अंकांनी घसरला आहे तर निफ्टीही 468 अंकानी घसरला आहे. सेन्सेक्समध्ये 2.62 टक्क्यांची घसरण होऊन तो 57,491.51 वर पोहोचला आहे तर निफ्टीमध्ये 2.66 टक्क्यांची घसरण होऊन तो 17,149.10 वर पोहोचला आहे.
आज बाजार बंद होताना सर्वच क्षेत्रात रेड मार्क दिसून आला आहे. ऑटो, मेटल, उर्जा, ऑईल अॅन्ड गॅस, बँक आयटी, फार्मा आणि रिअॅलिटी सेक्टरच्या शेअर्समध्ये मोठ्या प्रमाणात विक्री झाल्यानं या शेअर्सच्या किंमतीत 2 ते 6 टक्क्यांची घसरण झाल्याचं दिसून आलं आहे. BSE मिडकॅप आणि स्मॉलकॅपमध्येही 4 टक्क्यांची घसरण झाली आहे.
मंगळवारी शेअर बाजारात JSW Steel, Bajaj Finance, Tata Steel, Grasim Industries आणि Hindalco Industries या कंपन्यांच्या निफ्टीमध्ये मोठी घसरण झाली असून Cipla and ONGC या कंपन्यांच्या निफ्टीमध्ये काहीशी वाढ झाली आहे.
दुपारी 12.30 वाजण्याच्या सुमारास सेन्सेक्स 1200 अंकांनी कोसळला होता. निफ्टीतही घसरण दिसून आली. जागतिक बाजारात सुरू असलेल्या पडझडीचा परिणाम भारतीय शेअर बाजारावरही झाला असल्याचे दिसून येत आहे. आज सकाळी बाजार सुरू झाला तेव्हा सेन्सेक्स 250 अंकांनी घसरला. ही घसरण दुपारच्या सत्रातही कायम राहिली.
अमेरिकेत मध्यवर्ती बँकेकडून व्याज दर वाढवण्याच्या शक्यतेमुळे जागतिक बाजारात मोठा दबाव निर्माण झाला असल्याचे म्हटले जात आहे. परिणामी शेअर बाजारात परदेशी गुंतवणुकदारांकडून सपाट्याने विक्री सुरू झाली.
या कंपन्यांचे शेअर्स वधारले
Cipla- 2.84 टक्के
ONGC- 1.25 टक्के
या कंपन्यांचे शेअर्स घसरले
JSW Steel- 6.67 टक्के
Tata Steel- 6.03 टक्के
Bajaj Finance- 5.99 टक्के
Grasim- 5.66 टक्के
Hindalco- 5.59 टक्के
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
