चिमुकल्यांचं भविष्य होणार सुरक्षीत, केंद्र सरकारची भन्नाट योजना, काय आहेत नियम व अटी?
मुलांच्या भविष्यासाठी सरकारनं 'एनपीएस वात्सल्य' योजना (NPS Vatsalya Scheme) सुरु केलीय. या योजनेअंतर्गत पालकांना आपल्या पाल्याच्या उत्तर आयुष्यासाठी तरतूद म्हणून निवृत्तिवेतन खातेही उघडता येणार आहे.
NPS Vatsalya Scheme News : केंद्र सरकार (Central Govt) विविध योजना राबवत आहे. या योजनांच्या माध्यमातून लोकांना आर्थिक पाठबळ देण्याचा सरकार प्रयत्न करत आहे. अशातच आता केंद्र सरकारनं नवीन एक योजना सुरु केली आहे. मुलांच्या भविष्यासाठी बचत म्हणून सरकारनं 'एनपीएस वात्सल्य' योजना (NPS Vatsalya Scheme) सुरु केली आहे. या योजनेअंतर्गत पालकांना आपल्या पाल्याच्या उत्तर आयुष्यासाठी तरतूद म्हणून निवृत्तिवेतन खातेही उघडता येणार आहे.
जुलै 2024 मध्ये सरकारनं या योजनेची सुरुवात केली होती. या योजनेमुळं पालकांना आपल्या मुलाचं भविष्य सुरक्षीत करण्यासाठी गुंतवणूक करता येणार आहे. पालक ऑनलाइन माध्यमातून तसेच बँक शाखा किंवा टपाल खात्याच्या माध्यमातून एनपीएस वात्सल्य योजनेत खाते उघडू शकतात. खाते उघडण्यासाठी किमान योगदान 1000 रुपये आहे. त्यानंतर सदस्यांना वार्षिक किमान 1000 रुपये खात्यात जमा करावे लागणार आहेत. मुलाला वयाची 18 वर्ष पूर्ण होताच या खात्याचे रुपांतर नियमीत पेन्शन योजनेत होणार आहे. पेन्शन फंड नियामक आणि विकास प्राधिकरणाद्वारे ही योजना राबवण्यात येत आहे.
एनपीएस वात्सल्य खातं कोणाला उघडता येणार?
ज्या मुलांचं वय 18 वर्षांखाली आहे, त्यांचे एनपीएस वात्सल्य खाते उघडू शकता. वयाची 18 वर्षे पूर्ण झाल्यावर आपोआप नियमित ‘एनपीएस’ खात्यात रूपांतरित होईल. वयाची 60 वर्षे पूर्ण झाल्यावरच खात्यातून निवृत्तिवेतन (पेन्शन) मिळेल. एनपीएस ने समभाग, कर्ज रोखे आणि जी-सेकमधील गुंतवणुकीतून अनुक्रमे 14 टक्के, 9.1 टक्के आणि 8.8 टक्के परतावा दिला आहे.
या योजनेच्या अटी काय?
18 वर्षापर्यंतची सर्व मुले या योजनेसाठी पात्र असणार आहेत.
खाते फक्त मुलांच्या नावाने उघडली जातील, मुलेच या योजनेचे लाभार्थी असतील
सर्व बँका, पोस्ट ऑफिस, पेन्शन फंडामध्ये खाते उघडती येईल किंवा ई-एनपीएसद्वारे देखील तुम्ही खाते उघड शकता.
हे खाते उघडण्याची कमीत कमी मर्यादा ही 1000 रुपये असणार आहे.
या योजनेत गुंतवणूक करण्यासाठी कमाल मर्यादा नाही
खात्यात जमा केलेल्या पैशांवर चक्रवाढ व्याज मिळेल
तीन वर्षानंतर 25 टक्के रक्कम शिक्षण, आजार यासाठी काढता येणार
मुलाचे वय 18 वर्ष होईपर्यंत जास्तीत जास्त तीन वेळा यातील रक्कम काढता येईल
मुल 18 वर्षाचे होईपर्यंत या योजनेतून बाहेर पडता येणार नाही
महत्वाच्या बातम्या:
Ayushman Bharat : आयुष्मान भारत योजना नेमकी काय? मोफत आरोग्य विमा किती रुपयांचा मिळणार? जाणून घ्या माहिती
महत्त्वाच्या बातम्या
ट्रेंडिंग न्यूज
