Union Budget 2022-23 : बजेट ब्रीफ केससह निर्मला सीतारमण यांचा पहिला फोटो; 11 वाजता संसदेत सादर करणार 'अर्थसंकल्प'

Union Budget 2022-23 : बजेट ब्रीफ केससह निर्मला सीतारमण यांचा पहिला फोटो. 11 वाजता संसदेत सादर करणार 'अर्थसंकल्प'. संपूर्ण देशाचं लक्ष.

Finance Minister Nirmala Sitharaman

Union Budget 2022-23 : केंद्रीय अर्थमंत्री निर्मला सीतारमण (Nirmala Sitharaman) आज सकाळी 11 वाजता पेपरलेस बजेट, म्हणजेच डिजिटल अर्थसंकल्प सादर करणार आहेत. सकाळी 8.15 मिनिटांनी निर्मला सीतारमण आपल्या निवासस्थानाहून रवाना झाल्या. त्यानंतर 9 वाजता त्या बजेट ब्रीफ केससह राष्ट्रपती भवनाकडे रवाना झाल्या. राष्ट्रपती रामनाथ कोविंद यांची भेट घेतल्यानंतर अर्थमंत्री पंतप्रधान नरेंद्र मोदी यांच्या अध्यक्षतेखालील मंत्रिमंडळाला अर्थसंकल्पाची थोडक्यात माहिती देतील आणि त्यानंतर संसदेकडे रवाना होतील. प्रस्थापित परंपरेनुसार, भारताच्या राष्ट्रपतींना सर्वप्रथम केंद्रीय अर्थमंत्र्यांकडून अर्थसंकल्पातील तरतुदींची माहिती दिली जाते. केंद्रीय अर्थसंकल्पात राष्ट्रपती कोणतेही बदल सुचवत नसल्यामुळे ही बैठक नेहमीचीच असते. परंतु संसदेत अधिकृतपणे अर्थसंकल्प सादर करण्यापूर्वी अर्थमंत्र्यांना राष्ट्रपतींची परवानगी घ्यावी लागते. 

सलग चौथ्यांदा अर्थमंत्री निर्मला सीतारामन सादर करणार आहेत. 2020-2021 मध्ये त्यांनी 2.42 तास (162 मिनिटं) भाषण देऊन स्वतःचा विक्रम मोडला. निवडणुकीच्या वातावरणात यावेळी अर्थमंत्री निर्मला सीतारामण यांचे अर्थसंकल्पीय भाषणही लांबण्याची शक्यता आहे.

यंदाचंही बजेट 'डिजिटल'

आज अर्थमंत्री निर्मला सीतारमण (Nirmala Sitharaman) आर्थिक वर्ष 2022-23 साठी अर्थसंकल्प सादर करणार आहेत. कोरोना महामारीच्या संकटाच्या काळात मांडण्यात येणाऱ्या अर्थसंकल्पात सरकारचे प्राधान्यक्रम काय असतील आणि त्यात नोकरदार आणि सर्वसामान्यांना काय मिळणार, याकडे सर्वांचं लक्ष लागलं आहे.  यंदाचाही अर्थसंकल्प कागदविहीन म्हणजे डिजिटल असणार आहे.  कोरोना महामारीमुळं आशियातील तिसरी मोठी अर्थव्यवस्था असलेल्या देशातील कर प्रस्ताव आणि प्रस्तुती तसेच वित्तीय विवरण अशा सर्व प्रकारच्या कागदपत्रांची छपाई होणार नाही.  

आज अर्थमंत्री देशाचा अर्थसंकल्प सादर करणार 

• अर्थमंत्री निर्मला सीतारमण सकाळी 8.15 वाजता आपल्या निवास्थानाहून रवाना होतील
• निर्मला सीतारमण आणि अर्थसंकल्प तयार करणारी टीम सकाळी 9 वाजता राष्ट्रपती भवनात राष्ट्रपतींची भेट घेतील. 
• राष्ट्रपतींची भेट घेतल्यानंतर सकाळी 10 वाजता निर्मला सीतारमण बजट ब्रीफ केससह संसदेत दाखल होतील. संसद भवनाच्या पायऱ्यांवर फोटोसेशल होईल.  
• त्यानंतर संसद भवनात केंद्रीय मंत्रिमंडळ बैठक पार पडेल, ज्यामध्ये अर्थसंकल्पाला औपचारिकरित्या मंजुरी देण्यात येईल. 
• सकाळी 11 वाजता अर्थसंकल्प सादर होईल आणि अर्थमंत्री भाषण करतील 
• बजेट स्पीचनंतर पंतप्रधान मोदी अर्थमंत्र्यांनी मांडलेल्या अर्थसंकल्पावर वक्तव्य देतील

महत्त्वाच्या इतर बातम्या : 

• Budget 2022: आयकरात सवलत मिळणार का, शेतकऱ्यांसाठी खास घोषणा? अर्थसंकल्पापूर्वी जाणून घ्या 15 महत्त्वाच्या गोष्टी

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह | ABP Majha