![ABP Premium](https://cdn.abplive.com/imagebank/Premium-ad-Icon.png)
Income Tax: आयकर रिटर्न भरणाऱ्यांसाठी महत्त्वाची बातमी! दोन वर्षांपूर्वीच्या चुका सुधारण्याची संधी
Income Tax: आयकर भरताना काही चुका झाल्या तर त्यामध्ये सुधारणा करण्याची संधी उपलब्ध करुन दिली आहे.
![Income Tax: आयकर रिटर्न भरणाऱ्यांसाठी महत्त्वाची बातमी! दोन वर्षांपूर्वीच्या चुका सुधारण्याची संधी Budget 2022 Highlights Nirmala Sitharaman on Income tax Return ITR Income Tax: आयकर रिटर्न भरणाऱ्यांसाठी महत्त्वाची बातमी! दोन वर्षांपूर्वीच्या चुका सुधारण्याची संधी](https://feeds.abplive.com/onecms/images/uploaded-images/2022/02/01/b4dcc238de7056af0b17be66050e6966_original.jpeg?impolicy=abp_cdn&imwidth=1200&height=675)
नवी दिल्ली: आयकर भरणाऱ्या करदात्यांसाठी या अर्थसंकल्पात एक दिलासादायक बातमी आहे. केंद्रीय निर्मला सीतारमण यांनी आयकर रिटर्न संबंधी एक महत्त्वाची घोषणा केली आहे. करदात्यांकडून फॉर्म भरताना एखादी चूक झाली तर त्यांची चौकशी होत होती. आता यापुढे ते बंद होणार असून त्यात गेल्या दोन वर्षातील चुकांची सुधारणा करण्याची संधी देण्यात येणार आहे.
या संबंधी घोषणा करताना निर्मला सीतारमण म्हणाल्या की, "या आधी आयकर परतावा फाईल म्हणजे आयकर रिटर्न भरताना काही चूक झाली तर त्या करदात्याची चौकशी करण्यात येत होती. पण आता केंद्र सरकारने या करदात्यांवर पूर्ण विश्वास ठेवण्यासंबंधी महत्त्वाचा निर्णय घेतला आहे. या पुढे काही चुका झाल्या तर त्याची चौकशी होणार नाही. त्या चुकामध्ये सुधारणा करण्यासाठी मुभा देण्यात येणार आहे."
केंद्र सरकारचा हा निर्णय लाखो करदात्यांसाठी महत्त्वपूर्ण असणार आहे. त्याच सोबत केंद्र सरकारने सहकारी सोसायट्यांसाठी असणारा किमान पर्यायी कर (alternate minimum tax) टॅक्स हा 18.5 टक्क्यांवरून 15 टक्के इतका करण्यात आला आहे. तसेच केंद्र आणि राज्य सरकारी कर्मचाऱ्यांसाठीचा एनपीएस यावर्षीपासून समान करण्याचा निर्णय घेण्यात आला आहे.
दरम्यान, प्राप्तीकर भरणाऱ्यांसाठी महत्त्वाची घोषणा करण्यात आली आहे. या वर्षीही कर रचनेमध्ये कोणताही बदल करण्यात आला नसल्याची घोषणा केंद्रीय अर्थमंत्री निर्मला सीतारमण यांनी केली आहे. त्यामुळे गेल्या वर्षीप्रमाणेच या वर्षीही कर रचना समान असेल.
बजेटमधील आतापर्यंतचे महत्त्वाचे मुद्दे
- आत्मनिर्भर भारत योजनेमुळे 16 लाख रोजगाराच्या संधी.
- मेक इन इंडिया अंतर्गत 60 लाख रोजगार उपलब्ध होणार.
- पुढील आर्थिक वर्षात 9.2% विकास दर अपेक्षित आहे.
- ऊर्जा, वाहतूक, विपणन यावर भर दिला जाईल.
- पुढील आर्थिक वर्षात 25 हजार किमी राष्ट्रीय महामार्ग बनवणार.
- येत्या 3 वर्षात 400 नव्या वंदे भारत ट्रेन धावणार.
- गतीशक्ती मास्टर प्लॅनद्वारे पायाभूत सुविधांना प्रोत्साहन देणार.
संबंधित बातम्या:
- No Change in Tax Slabs: महत्त्वाची बातमी! कर रचना 'जैसे थे', कोणताही बदल नाही; अर्थमंत्र्यांची घोषणा
- Budget 2022 Housing: घरांसाठी 48 हजार कोटींचे पॅकेज, 2023 पर्यंत 80 लाख नवी घरं बांधणार
- Budget 2020 : बजेटमध्ये डिजिटलायझेशन वर जोर! ई-पासपोर्टची सोय, पोस्ट ऑफिसमध्ये डिजिटल बँकिंग, जागांचं रजिस्ट्रेशनही डिजिटल
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)