![metaverse](https://cdn.abplive.com/imagebank/metaverse-top.png)
टाटाच्या एअर इंडिया आणि एअर एशिया यांच्यात मोठा करार, तुम्हाला होणार 'हा' फायदा
टाटा समूहाच्या एअर इंडिया आणि एअरएशिया इंडिया यांच्यातील परस्पर सहकार्याच्या दिशेने पहिले पाऊल टाकण्यात आलं आहे. दोन्ही विमान कंपन्यांनी इंटरलाइन, कर्शन्स ऑन इरिग्युलर ऑपरेशन्स (IROPs) करार केला आहे.
![टाटाच्या एअर इंडिया आणि एअर एशिया यांच्यात मोठा करार, तुम्हाला होणार 'हा' फायदा Big deal between Tata Air India and Air Asia, all you need to know टाटाच्या एअर इंडिया आणि एअर एशिया यांच्यात मोठा करार, तुम्हाला होणार 'हा' फायदा](https://feeds.abplive.com/onecms/images/uploaded-images/2022/02/12/70ea297538152df6861daacf47766b08_original.jpg?impolicy=abp_cdn&imwidth=1200&height=675)
Tata-Air India Deals : टाटा समूहाच्या एअरलाईन्स एअर इंडिया आणि एअरएशिया इंडियाचे (AAIPL) विमान कोणत्याही कारणास्तव निलंबित झाल्यास त्यांच्या संबंधित फ्लाईटमध्ये एकमेकांच्या प्रवाशांना सामावून घेतलं जाणार आहे. टाटा समूहाच्या एअर इंडिया आणि एअरएशिया इंडिया यांच्यातील परस्पर सहकार्याच्या दिशेने हे पहिले पाऊल टाकण्यात आलं आहे. यासाठी, दोन्ही विमान कंपन्यांनी इंटरलाईन, कर्शन्स ऑन इरिग्युलर ऑपरेशन्स (IROPs) करार केला आहे. हा करार दोन वर्षांसाठी करण्यात आला असून तो 9 फेब्रुवारी 2024 पर्यंत वैध असेल.
या कराराअंतर्गत, या दोन्ही एअरलाईन्स पैकी कोणतेही विमान कोणत्याही कारणास्तव रद्द झाल्यास, रद्द केलेल्या विमानातील प्रवाशांना त्यांच्या पुढील उपलब्ध फ्लाईटमधून प्रवास करता येणं शक्य होणार आहे. एअर एशिया इंडिया सात वर्षांहून अधिक काळ भारतात व्यवसाय करते आहे. आतापर्यंत कोणतीही आंतरराष्ट्रीय प्रवासी उड्डाण सेवा सुरू झालेली नाही.
गेल्या महिन्यात एअर इंडिया आणि एअर एशिया एक्स्प्रेसचा ताबा घेतल्यानंतर टाटा समूहाकडे आता एकूण चार विमान कंपन्या आहेत. एअर इंडियाचे नवीन व्यवस्थापन कंपनीचे कामकाज, कार्यक्षमता आणि गुणवत्ता सुधारण्यावर भर देत आहे, हे लक्षात घेऊन एअर एशिया इंडियासोबत हा करार करण्यात आला आहे.
टाटा समूहाची होल्डिंग कंपनी Tales Pvt Ltd ने 8 ऑक्टोबर 2021 रोजी कर्जबाजारी एअर इंडियाला 18,000 कोटी रुपयांना विकत घेण्याची बोली जिंकली. त्यानंतर भूसंपादन प्रक्रिया पूर्ण होण्यासाठी सुमारे तीन महिन्यांचा कालावधी लागला. आता टाटा समूहाला एअर इंडियाची कमान अधिकृतपणे मिळाली आहे. या संपादन प्रक्रियेनंतर टाटा समूहाचा भारतीय विमान उद्योगात दबदबा वाढला आहे. टाटा समूहाकडे आता विस्तारा, एअर एशिया आणि एअर इंडिया या तीन एअरलाईन्स आहेत.
महत्वाच्या बातम्या :
- Hyundai Kia Car Fire Risk : Hyundai Kia चा ग्राहकांना शॉक! 5 लाख कारना आग लागण्याचा धोका
- कार प्रेमींसाठी खुशखबर! नवीन Baleno ची बुकिंग सुरु, जाणून घ्या याचे भन्नाट फीचर्स
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)