काल सकाळी दुुपारी संसदेत येतो म्हणाले अन् आलेच नाहीत, आज तरी अमित शाह संसदेत येणार? अधिवेशनाचा आज अखेरचा दिवस

अमित शाह यांनी काल दुपारी तीन वाजल्यापासून आज दुपारी तीन वाजेपर्यंत संसदेत चर्चेस तयार असल्याचे म्हटले होते. मात्र, अमित शाह सांगूनही काल (12 ऑगस्ट) संसदेत आलेच नाहीत.  

Amit Shah

Source : ANI

Amit Shah: पावसाळी अधिवेशनाचा आज (13 ऑगस्ट) शेवटचा दिवस आहे. 20 जुलै रोजी अधिवेशन सुरू झाल्यापासून, नीट पेपरफुटी आणि विद्यार्थ्यांवरील पोलीस कारवाईवरून विरोधी पक्षांनी मोदी सरकारला धारेवर धरलं असून सरकार बचावात असल्याचे चित्र आहे. गृहमंत्री अमित शाह यांनी अध्यक्षांना पत्र लिहून जंतर मंतर आंदोलनावर संसदेत चर्चा करण्याची मागणी केली आहे. वेळ निश्चित झाल्यास ते गुरुवारी प्रतिसाद देतील अशी अपेक्षा आहे. राहुल गांधी म्हणाले की, विरोधी पक्षाला शाह यांच्याकडून 'उपदेश' नको आहे; त्यांनी आधी हे स्पष्ट करावे की विद्यार्थ्यांवर गोळीबार करण्याचे आदेश कोणी दिले. दुसरीकडे, अमित शाह यांनी काल दुपारी तीन वाजल्यापासून आज दुपारी तीन वाजेपर्यंत संसदेत चर्चेस तयार असल्याचे म्हटले होते. मात्र, अमित शाह सांगूनही काल (12 ऑगस्ट) संसदेत आलेच नाहीत.  

सरकार प्रत्येक विषयावर चर्चा करण्यास तयार

संसदीय कामकाज मंत्री किरेन रिजिजू म्हणाले, "मी पूर्णपणे निराश झालो आहे. सरकारला चर्चा हवी आहे, पण विरोधी पक्ष पळ काढत आहे." ते म्हणाले की, जर विरोधी पक्ष तयार असेल तर अधिवेशन वाढवता येईल. गृहमंत्री अमित शाह यांनी बुधवारी लोकसभा अध्यक्ष ओम बिरला यांना पत्र लिहून नीट पेपरफुटीवरून सुरू असलेल्या विद्यार्थी आंदोलनावर चर्चेसाठी वेळ देण्याची मागणी केली. काल सकाळीच शाह यांनी सभागृहाबाहेर माध्यमांना सांगितले होते की, सरकार प्रत्येक विषयावर चर्चा करण्यास तयार आहे, परंतु विरोधी पक्षाने सभागृहाचे कामकाज चालू द्यावे. विरोधी पक्षनेते राहुल गांधी यांनी अमित शाहांवर हल्लाबोल करताना म्हणाले, "आम्हाला त्यांची भाषणं ऐकायची नाहीत. आधी सांगा, जंतर मंतरवर विद्यार्थ्यांवर गोळीबार करण्याचा आदेश कोणी दिला? जर त्यांनी आदेश दिला नसेल, तर त्यांनी राजीनामा द्यावा." दरम्यान, सरकारने लोकसभेत एफसीआरए (FCRA) दुरुस्ती विधेयक, 2026 संयुक्त संसदीय समितीकडे (JPC) पाठवण्याचा प्रस्ताव मांडला, ज्याला मंजुरी मिळाली. या समितीत लोकसभेचे 21 आणि राज्यसभेचे 10 सदस्य असतील

अमित शाह सभागृहात का आले नाहीत?

राहुल गांधी यांनी विचारले की, "विद्यार्थ्यांवर गोळीबार कोणी केला? खिळे लावलेल्या काठ्यांनी विद्यार्थ्यांना मारहाण करण्याचा आदेश कोणी दिला? अमित शाह यांनी आमच्या मुलांवर गोळीबार करण्याचा आदेश दिला का? जर त्यांनी दिला असेल, तर त्यांनी राजीनामा द्यावा." राहुल पुढे म्हणाले, "शाह यांच्या घरासमोर एक हजार पोलीस उभे असतात. कोणतीही मुले त्यांच्या जवळ येऊ नयेत यासाठी 30 वाहने त्यांच्यामागे असतात. अमित शाह गेल्या 20 दिवसांपासून बेपत्ता आहेत. गृहमंत्र्यांमध्ये हिंमत नाही. ते सभागृहात येऊ शकत नाहीत."

इतर महत्वाच्या बातम्या