Weekly Horoscope : तूळ, वृश्चिक, धनु, मकर, कुंभ आणि मीन राशींसाठी मे महिन्याचा नवीन आठवडा कसा असणार? वाचा साप्ताहिक राशीभविष्य

Weekly Horoscope 19 To 25 May 2025 : नवीन आठवडा तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? सर्व राशींचे साप्ताहिक राशीभविष्य जाणून घ्या.

Weekly Horoscope 19 To 25 May 2025

Source : ABP Web Team

Weekly Horoscope 19 To 25 May 2025 : वैदिक ज्योतिष शास्त्रानुसार, मे महिन्याचा नवीन आठवडा लवकरच सुरु होणार आहे. अनेक राशींसाठी हा आठवडा महत्त्वाचा असणार आहे. कारण या आठवड्यात अनेक मोठ्या ग्रहांच्या हालचाली होणार आहे. या आठवड्यात राहू-केतू ग्रहांचं देखील संक्रमण होणार आहे. नवीन आठवडा तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? सर्व राशींचे साप्ताहिक राशीभविष्य (Weekly Horoscope) जाणून घ्या.

तूळ रास (Libra Weekly Horoscope)

तूळ राशीसाठी नवीन आठवडा थोडा व्यस्त असणार आहे. या दरम्यान तुम्हाला त्वचेच्या संबंधित अनेक आजार उद्भवू शकतात. त्यामुळे योग्य आहार घ्या आणि पाणी पित राहा. तसेच, कोर्ट कचेरीच्या संदर्भातील तुमचे काही जुने वाद असतील तर ते लवकरच मिटवण्याचा प्रयत्न करा. तुमची आर्थिक स्थिती फार चांगली असेल. 

वृश्चिक रास (Scorpio Weekly Horoscope)

वृश्चिक राशीसाठी नवीन आठवडा फार चांगला असणार आहे. या आठवड्यात तुम्हाला अनेक टास्क पूर्ण करावे लागतील. तसेच, व्यवसायाचा चांगला विस्तार झालेला दिसेल. या कालावधीत तुम्हाला तुमच्या मानसिक स्वास्थ्याची काळजी घेणं गरजेचं आहे. तसेच, आरोग्याच्या बाबतीत सतर्क राहणं गरजेचं आहे. 

धनु रास (Sagittarius Weekly Horoscope)

धनु राशीच्या लोकांसाठी नवीन आठवडा फार चांगला असणार आहे. या काळात देवी लक्ष्मीची तुमच्यावर विशेष कृपा असणार आहे. तुमच्या कुटुंबात आनंदी वातावरण पाहायला मिळेल. तसेच, जर तुम्हाला वाहन किंवा एखादी प्रॉपर्टी खरेदी करायची असेल तर त्यासाठी हा काळ योग्य नाही. 

मकर रास (Capricorn Weekly Horoscope)

मकर राशीच्या लोकांसाठी नवीन आठवडा काहीसा आव्हानात्मक असणार आहे. या कालावधीत तुम्हाला मेहनत घेण्याची गरज आहे. तुमच्या प्रत्येक कृतीचं फळ तुम्हाला फेडावं लागेल. त्यामुळे या काळात कोणाशीही वाद घालू नका. तुमच्या कामावर भर द्या. तुमचा आत्मविश्वास वाढवा. 

कुंभ रास (Aquarius Weekly Horoscope)

कुंभ राशीसाठी मे महिन्याचा नवीन आठवडा सामान्य असणार आहे. आठवड्याच्या सुरुवातीला तुमच्या खर्चात अचानक वाढ होऊ शकते. मात्र, जसजसे दिवस जातील तुमचे पैसे वाचतील. या कालावधीत विनाकारण पैसे खर्च करु नका. तसेच, स्वत:च्या जीभेवर नियंत्रण ठेवण्याचा प्रयत्न करा.

मीन रास (Pisces Weekly Horoscope)

मीन राशीसाठी नवीन आठवडा फार लाभदायक असणार आहे. या काळात तुमचे आरोग्य सामान्य राहील. तुमची आर्थिक स्थितीदेखील फार चांगली असणार आहे. इतकंच नव्हे तर या काळात तुमचे धार्मिक यात्रेला जाण्याचे देखील योग जुळून येणार आहेत. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :