Weekly Horoscope 1 To 7 April 2024 : तूळ, वृश्चिक, धनु, मकर, कुंभ आणि मीन राशीसाठी नवीन आठवडा कसा राहील? साप्ताहिक राशीभविष्य जाणून घ्या

Weekly Horoscope 1-7 April 2024 : साप्ताहिक राशीभविष्याच्या दृष्टीने तूळ ते मीन राशीसाठी नवीन आठवडा खास असणार आहे. नवीन आठवडा काही राशींसाठी चांगला ठरेल, तर काही राशींना या काळात नुकसान सहन करावं लागेल. तूळ ते मीन राशीसाठी नवीन आठवडा कसा राहील? साप्ताहिक राशीभविष्य जाणून घ्या.

Weekly Horoscope 1 To 7 April 2024

Weekly Horoscope 1-7 April 2024 : एप्रिल महिन्याचा पहिला आठवडा काही राशींसाठी खास असणार आहे, तर काही राशींसाठी खडतर असणार आहे. तूळ आणि कुंभसह इतर राशीच्या लोकांना या काळात पैसा, करिअरबाबत विशेष लाभ मिळेल. एप्रिलचा नवीन आठवडा (1 April To 7 April Weekly Horoscope) तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? तूळ, वृश्चिक, धनु, मकर, कुंभ आणि मीन या 6 राशींचे साप्ताहिक राशीभविष्य (Weekly Horoscope) जाणून घ्या.

तूळ रास (Libra)

तूळ राशीच्या लोकांसाठी नवा आठवडा भाग्याचा असेल. या आठवड्यात तुमच्या इच्छेनुसार सर्व गोष्टी घडतील. तुमचे विरोधक तुमच्याशी चांगलं वागण्याचा प्रयत्न करतील. या आठवड्यात तुम्हाला विविध सुखसोयी मिळू शकतात. तुम्हाला एखाद्या मित्राकडून किंवा जोडीदाराकडून सरप्राईज गिफ्ट मिळू शकतं. तुमचं लग्न झालं नसेल तर तुमच्या आयुष्यात कोणी खास व्यक्ती प्रवेश करेल. तुमच्या आवडीप्रमाणे जोडीदार मिळाल्याने तुम्ही आनंदी व्हाल. आठवड्याच्या शेवटच्या दिवसांत मोठे निर्णय घेणं टाळा आणि आरोग्याची काळजी घ्या.

वृश्चिक रास (Scorpio)

वृश्चिक राशीच्या लोकांना या आठवड्यात नशिबाची साथ मिळेल.ऑफिसमध्ये कामाचा ताण अचानक वाढू शकतो. लोकांशी कामाची कोणतीही प्लॅनिंग शेअर करू नका. आठवड्याच्या मध्यात तुम्ही काही सिक्रेट स्ट्रॅटेजी बनवू शकता, ज्यामुळे तुम्हाला तुमच्या कामात मदत होईल. या आठवड्यात तुमचं बजेट बिघडू शकतं. कोणत्याही प्रकारची गुंतवणूक करताना काळजी घ्या. आठवड्याच्या शेवटच्या दिवसांत अचानक एखादे काम पूर्ण झालं तर तुम्ही आनंदी व्हाल. नवीन आठवड्यात आरोग्याची काळजी घ्या.

धनु रास (Sagittarius)

धनु राशीचे लोक या आठवड्यात थोडे व्यस्त राहतील. या आठवड्यात तुमच्या कामात अनेक बदल होऊ शकतात, तुमच्यावर अधिक जबाबदाऱ्या येऊ शकतात. करिअर किंवा व्यवसायाशी संबंधित प्रवास संभवतो. वाहन चालवताना काळजी घ्या, इजा होण्याची शक्यता आहे. नवीन आठवड्यात ़ तुम्ही एखाद्याकडे आकर्षित होऊ शकता. नोकरदारांना आर्थिक लाभ होईल, खर्चात थोडी वाढ होईल. आठवड्याचे शेवटचे दिवस चांगले असतील.

मकर रास (Capricorn)

मकर राशीच्या लोकांसाठी नवा आठवडा शुभ राहील. मित्र आणि कुटुंबीयांचा पाठिंबा तुम्हाला मिळेल. जर तुम्हाला नवीन मालमत्ता खरेदी करायची असेल तर तुम्ही या आठवड्यात प्लॅन करू शकता. या आठवड्यात तुमच्या पगारात वाढ होऊ शकते. तुम्हाला इतर ठिकाणाहून मोठी नोकरीची ऑफर मिळू शकते, ती स्वीकारताना तुम्हाला प्रत्येक गोष्टीचा विचार करावा लागेल. नोकरदार महिलांचा सन्मान वाढेल.

कुंभ रास (Aquarius)

नवीन आठवडा कुंभ राशीच्या लोकांसाठी उत्तम राहील. या आठवड्यात प्रत्येक काम करताना तुम्हाला जास्त डोकं लावावं लागेल. कोणताही मोठा व्यवहार करताना तुम्हाला कागदपत्रांशी संबंधित काम अतिशय काळजीपूर्वक करावं लागेल. एखाद्या धार्मिक स्थळाला भेट देण्याची योजना तुम्ही आखू शकता. नवीन आठवड्यात कुटुंबासोबत चांगला वेळ जाईल. आठवड्याच्या शेवटच्या दिवसांत अचानक एखादे काम पूर्ण झालं तर तुम्ही आनंदी व्हाल.

मीन रास (Pisces)

मीन राशीच्या लोकांसाठी नवीन आठवडा सामान्य राहील. तुमची नियोजित कामं पूर्ण होतील. कौटुंबिक समस्या सोडवण्यासाठी तुम्हाला भाऊ-बहिणींचं पूर्ण सहकार्य मिळेल. तुमची दिनचर्या आणि आरोग्याची पूर्ण काळजी घ्यावी लागेल. ऑफिसमध्ये तुमच्या कामात कोणी अडथळा आणू शकतो, त्यामुळे सावध रहा. प्रियकर तुमच्या भावनांचा आदर करेल. तुमच्या कुटुंबात आनंदी वातावरण असेल, परस्पर तणाव दूर होतील. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: