Shani Margi 2024 : दिवाळीनंतर कर्मफळदाता शनी होतोय मार्गी; 'या' 5 राशींचं आयुष्य सोन्याहूनही होणार पिवळं

Shani Margi 2024 : ज्योतिष शास्त्रानुसार, 15 नोव्हेंबर रोजी संध्याकाळी 07 वाजून 51 मिनिटांनी शनी मार्गी होणार आहे. शनीच्या या परिवर्तनाचा परिणाम 5 राशींसाठी शुभ ठरणार आहे.

Shani Margi 2024

Source : ABP Web Team

Shani Margi 2024 : ज्योतिष शास्त्रानुसार, प्रत्येक ग्रह एका ठराविक अंतराने राशी परिवर्तन करतात. याचा प्रभाव सर्व 12 राशींवर होतो. आपल्याला माहीतच आहे की, शनी (Shani Dev) हा सर्वात धिम्या गतीने चालणारा ग्रह आहे. शनी एका राशीत जवळपास अडीच वर्षांपर्यंत असतात. ज्योतिष शास्त्रानुसार, 15 नोव्हेंबर रोजी संध्याकाळी 07 वाजून 51 मिनिटांनी शनी मार्गी होणार आहे. शनीच्या या परिवर्तनाचा परिणाम 5 राशींसाठी शुभ ठरणार आहे. या राशी (Zodiac Signs) कोणत्या आहेत ते जाणून घेऊयात. 

मेष रास (Aries Horoscope)

मेष राशीच्या लोकांसाठी हा काळ फार लाभदायक ठरणार आहे. या काळात व्यापारी वर्गातील लोकांना व्यवसायात चांगली डील मिळू शकते. त्यातून तुम्हाला चांगला नफाही मिळेल. त्याचबरोबर समाजात तुमचा मान-सन्मान वाढलेला दिसेल. कुटुंबातील संबंध अधिक घट्ट होतील. जे रखडलेले कार्य आहे ते पूर्ण होईल. 

कर्क रास (Cancer Horoscope)

कर्क राशीच्या लोकांसाठी हा काळ फार अनुकूल असणार आहे. तुम्हाला जर एखाद्या क्षेत्रात गुंतवणूक करायची असेल तर त्यासाठी हा काळ चांगला असणार आहे. भविष्यात यातून तुम्हाला चांगला नफा मिळेल. कामाच्या ठिकाणी तुमची चांगली प्रगती होईल. मित्रांची साथ लाभेल. 

कन्या रास (Virgo Horoscope)

कन्या राशीच्या लोकांची आर्थिक स्थिती फार चांगली असणार आहे. जर तुम्ही अनेक दिवसांपासून कर्ज घेतलं असेल तर त्याची परतफेड करण्याची वेळ आली आहे. तुमचा मानसिक तणाव दूर होईल. तसेच, सकारात्मक दृष्टीकोन ठेवा. तसेच, आरोग्याची काळजी घ्या. 

मकर रास (Capricorn Horoscope)

मकर राशीच्या लोकांसाठी हा काळ फार चांगला असणार आहे. तुमच्या जीवनात अनेक काळापासून सुरु असलेल्या समस्या दूर होतील. तसेच, दीर्घकालीन आजारापासून तुम्ही मुक्त व्हाल. तुम्हाला मनासारखी नोकरी मिळेल. तसेच, तुमची आर्थिक स्थिती देखील चांगली राहील. 

कुंभ रास (Aquarius Horoscope)

शनीच्या मार्गी अवस्थेमुळे कुंभ राशीच्या लोकांसाठी हा काळ फार शुभ असणार आहे. व्यापारी वर्गातील लोकांची आर्थिक स्थिती चांगली सुधारेल. तसेच, नोकरीतील तुमच्या समस्या दूर होतील. जर तुम्हाला एखादा नवीन व्यवसाय सुरु करायचा असेल तर त्यासाठी हा काळ फार शुभ असणार आहे. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :