Astrology : नवीन वर्ष 2025 मध्ये बनतोय दुर्मिळ योग; 3 राशींचं नशीब सोन्यासारखं उजळणार, नवीन नोकरीसह होणार अपार धनलाभ

Shani Gochar 2025 : नवीन वर्षात सर्व ग्रह शुभ स्थितीत असतील, ज्याचा मोठा फायदा 3 राशींना होणार आहे. या काळात तुम्हाला भरपूर धनलाभ होईल आणि प्रत्येक कामात यश प्राप्त होईल.

Astrology Year 2025 Lucky Zodiacs

Source : ABPLIVE AI

Astrology 2025 Lucky Zodiacs : ग्रह आणि नक्षत्रांच्या स्थितीनुसार वर्ष 2025 हे खूप खास असणार आहे. नवीन वर्षात शनि (Shani), गुरू तसेच राहू आणि केतू आपल्या राशी बदलणार आहेत, तर दुसरीकडे प्रत्येक राशीत अनेक ग्रह एकत्र येणार आहेत, त्यामुळे अनेक प्रकारचे शुभ-अशुभ राजयोगही होणार आहेत. ग्रहांच्या या स्थितीचा परिणाम सर्व 12 राशींच्या लोकांवर होईल, त्यातही काही ठराविक राशींसाठी हा काळ सोन्याचा असणार आहे.

तब्बल 56 वर्षांनंतर दुर्मिळ योग

ज्योतिषशास्त्रानुसार, 29 मार्च 2025 रोजी मीन राशीत 6 ग्रह एकत्र येणार आहेत. हा योगायोग तब्बल 56 वर्षांनंतर घडत आहे. हा योगायोग याआधी 1968 मध्ये घडल्याचं मानलं जातं. ग्रहांचा हा दुर्मिळ योग 3 राशींचं नशीब बदलेल, या भाग्यवान राशी नेमक्या कोणत्या? जाणून घेऊया.

राहू आणि शुक्र - आधीपासून मीन राशीत स्थित
बुधाचा मीन राशीत प्रवेश - फेब्रुवारी
सूर्याचा मीन राशीत प्रवेश - 14 मार्च
शनीचा मीन राशीत प्रवेश - 29 मार्च
चंद्राचा मीन राशीत प्रवेश - 28 मार्च

29 मार्चपासून या राशींचं भाग्य उजळणार

मिथुन रास (Gemini)

या राशीच्या लोकांसाठी ग्रहांचा हा संयोग खूप फायदेशीर ठरू शकतो. नवीन वर्षात या राशीचे लोक प्रत्येक क्षेत्रात भरपूर यश मिळवू शकतात. तुमच्या आयुष्यात अनेक आव्हानं येऊ शकतात, पण तुम्ही त्यावर सहज मात करू शकता. नोकरीमध्ये तुम्हाला अनेक नवीन संधी मिळू शकतात. तुमच्या आयुष्यात आनंद येईल. तुम्ही तुमच्या कामावर अधिक लक्ष द्याल, ज्यामुळे तुम्ही तुमचं ध्येय साध्य करण्यात यशस्वी होऊ शकता. नात्यातील दीर्घकाळ टिकणारा कटूपणा कमी होऊ शकतो. व्यवसायात तयार केलेले प्लॅन तुमच्यासाठी फायदेशीर ठरू शकतात.

कन्या रास (Virgo)

या राशीच्या लोकांना करिअर आणि बिझनेसमध्ये खूप फायदा होऊ शकतो. या राशीच्या लोकांमध्ये काहीतरी नवीन शिकण्याची इच्छा वाढू शकते. येणाऱ्या काळात तुम्ही करिअरच्या दृष्टीने काही नवीन करू शकता. 2025 मध्ये तुम्हाला नोकरीत प्रमोशनसोबतच पगार वाढण्याचीही शक्यता आहे. व्यावसायिकांसाठी टफ स्पर्धा असू शकते, परंतु यामध्येही तुम्ही यश मिळवू शकता. तुम्हाला रोजच्या तणावातून आराम मिळू शकतो. आरोग्य चांगलं राहील. परदेशात नोकरी करण्याचं स्वप्न पूर्ण होऊ शकतं.

वृषभ रास (Taurus)

मीन राशीत एकत्र आलेली ग्रहांची जुळवाजुळव वृषभ राशीच्या लोकांसाठी फायदेशीर ठरू शकते. नवीन वर्षात या राशीच्या लोकांना करिअर आणि बिझनेसमध्ये खूप फायदा होऊ शकतो. वरिष्ठ अधिकाऱ्यांशी चांगले संबंध निर्माण होऊ शकतात. प्रदीर्घ समस्या आता संपुष्टात येऊ शकतात. तुमच्या मुलांसमोरील अडचणी देखील आता संपुष्टात येणार आहेत. तुम्हाला अडकलेले पैसे परत मिळू शकतात. तुमची प्रलंबित कामं पूर्ण होऊ शकतात.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: