Mahashivratri 2025 : महाशिवरात्रीला होणार ग्रहांचा संगम, जुळून येणार 'त्रिग्रही योग'; 'या' 4 राशींवर असणार भोलेनाथाची कृपा

Mahashivratri 2025 : फेब्रुवारी महिन्यात कुंभ राशीत तीन ग्रहांची युती होणार आहे. यामुळे त्रिग्रही योग जुळून येणार आहे. याचा परिणाम सर्व 12 राशींवर होणार आहे. 

Mahashivratri 2025

Source : ABP Web Team

Mahashivratri 2025 : ज्योतिष शास्त्रानुसार, ग्रहांच्या युतीचा प्रत्येक राशीवर शुभ आणि अशुभ परिणाम होतो. त्याचबरोबर फेब्रुवारी महिन्यात कुंभ राशीत तीन ग्रहांची युती होणार आहे. यामुळे त्रिग्रही योग (Yog) जुळून येणार आहे. याचा परिणाम सर्व 12 राशींवर होणार आहे. त्यामुळे यंदाच्या महाशिवरात्रीला ग्रहांचा दुर्मिळ योग जुळून येणार आहे. या दरम्यान तीन ग्रहांची युती पाहायाल मिळणार आहे.

ज्योतिष शास्त्रानुसार, शनी सध्या कुंभ राशीत विराजमान आहे. त्याचबरोबर सूर्याने 13 फेब्रुवारी रोजी कुंभ राशीत प्रवेश केला. तर, 18 फेब्रुवारी रोजी चंद्राचा कुंभ राशीत प्रवेश झाला. यामुळे तीन ग्रहांचा संगम होणार आहे. या शुभ योगाचा तीन राशींना चांगलाच लाभ मिळेल. या राशी नेमक्या कोणत्या ते जाणून घेऊयात. 

महाशिवरात्रीला जुळून येणार दुर्लभ योग

महाशिवरात्रीच्या शुभ मुहूर्तावर दुर्लभ संयोग जुळून येणार आहे. या दिवशी तीन राशींमध्ये सहा ग्रह विराजमान होणार आहेत. यामुळे शुक्र आणि गुरु ग्रह एकत्र मीन राशीत प्रवेश करणार आहे. त्याचबरोबर, बुध ग्रह मकर राशीत असणार आहे. या ठिकाणी सूर्य आणि शनीसुद्धा कुंभ राशीत असणार आहे. अशा प्रकारे मकर, कुंभ आणि मीन राशीत सहा ग्रहांचा अत्यंत शुभ संयोग जुळून येणार आहे. 

मेष रास (Aries Horoscope)

कुंभ राशीत तीन ग्रहांच्या होणाऱ्या युतीमुळे विशेष लाभ मिळणार आहे. या राशीच्या अकराव्या चरणात युती होणार आहे. त्यामुळे या राशीच्या लोकांना भाग्याची साथ मिळेल. तसेच, उत्पन्नाचे नवे मार्ग खुले होतील. तसेच, अनेक दिवसांपासून रखडलेले काम देखील पूर्ण होईल. 

वृषभ रास (Taurus Horoscope)

वृषभ राशीच्या लोकांना त्रिग्रही योगाचा चांगला लाभ मिळेल. सूर्य, चंद्र आणि शनीच्या युतीने या राशीच्या लोकांना चांगला आर्थिक लाभ मिळेल. तसेच, तुम्हाला प्रत्येक क्षेत्रात चांगलं यश मिळण्याची शक्यता आहे. 

मकर रास (Capricorn Horoscope)

मकर राशीच्या दुसऱ्या चरणात युती होणार आहे. यामुळे या काळात तुम्हाला धन-संपत्तीची कोणतीच कमतरता भासणार नाही. तसेच, तुम्हाला अचानक धनलाभ मिळेल. या काळात समाजात तुमचा मान-सन्मान वाढेल. 

कुंभ रास (Aquarius Horoscope)

या राशीच्या विवाह चरणात त्रिग्रही योग जुळून येणार आहे. या राशीच्या लोकांच्या मनातील प्रत्येक इच्छा पूर्ण होईल. तसेच, नोकरदार वर्गातील लोकांना चांगला लाभ मिळेल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: