Astrology : नवीन आठवड्यात वृषभसह 'या' 5 राशींचं भाग्य उजळणार; महालक्ष्मी योगामुळे राहणार कृपा

Lucky Zodiac Sign For 22 to 28 January 2023 : जानेवारीच्या या आठवड्यात धनु राशीमध्ये त्रिग्रही योग तयार होत आहे. धनु राशीमध्ये मंगळ, शुक्र आणि बुध एकत्र असतील. त्यामुळे शुक्र आणि बुध यांच्या संयोगामुळे लक्ष्मीनारायण योग तयार होत आहे, या विशेष योगामुळे 5 राशींच्या लोकांचं नशीब उजळणार आहे.

Lucky Zodiacs For 22 to 28 January 2023 (Pic Credit : CMS Gallery)

Lucky Zodiac Sign For 22 to 28 January 2023 : जानेवारीच्या या आठवड्यात ग्रहांचा अतिशय शुभ संयोग तयार होत आहे. नवीन आठवड्यात मंगळ आणि चंद्र एकत्र आल्याने महालक्ष्मी योग तयार होत आहे.तर धनु राशीमध्ये मंगळ, शुक्र आणि बुध यांचा संयोग होणार आहे. धनु राशीमध्ये तीन ग्रह एकत्र असल्यामुळे आठवडाभर त्रिग्रही योग राहील. ग्रहांच्या या युतीचा 5 राशींना (Zodiac Signs) विशेष फायदा होईल, या राशींना नवीन आठवड्यात दुहेरी लाभ मिळू शकतो.

जानेवारीच्या शेवटच्या आठवड्यातील 5 भाग्यशाली राशी नेमक्या कोणत्या? जाणून घेऊया.

वृषभ रास (Taurus)

जानेवारीचा शेवटचा आठवडा वृषभ राशीच्या लोकांसाठी खूप शुभ असणार आहे. या काळात तुम्हाला करिअर आणि व्यवसायात अपेक्षित यश मिळेल. नोकरदार लोकांसाठी हे दिवस चांगले जाणार आहेत. नोकरदार लोकांना या आठवड्यात एखादे मोठे पद मिळू शकते. तसेच समाजात त्यांचा आदर आणि प्रभाव वाढेल. तुमचे वैवाहिक जीवन खूप आनंदी असणार आहे.

कन्या रास (Virgo)

कन्या राशीच्या लोकांसाठी नवीन आठवडा भाग्याचा असेल. या आठवड्याच्या सुरुवातीस, तुम्हाला पूर्वी केलेल्या कोणत्याही मोठ्या निर्णयाचा किंवा कामाचा लाभ आणि सन्मान मिळू शकेल. सरकारी कामातही तुम्हाला यश आणि लाभ मिळेल. या आठवड्यात तुमच्या घरात एखाद्या शुभ कार्याची सुरुवात होऊ शकते. जर तुम्ही एखाद्याला प्रपोज करण्याचा विचार करत असाल तर आठवडा तुमच्यासाठी अनुकूल असणार आहे. या आठवड्यात तुम्ही एखाद्या लांबच्या किंवा जवळच्या प्रवासाला जाऊ शकता.

तूळ रास (Libra)

तूळ राशीच्या लोकांना या आठवड्यात शुभ परिणाम मिळतील, यावेळी तुम्हाला नशिबाची पूर्ण साथ मिळेल. तसेच, या आठवड्यात तुम्हाला कामाच्या ठिकाणी वरिष्ठांचे पूर्ण सहकार्य मिळेल. नवीन प्रकल्पांशी जोडून तुम्हाला कामाच्या अनेक चांगल्या संधी देखील मिळू शकतात. नोकरदार लोकांना पुढे जाण्याच्या चांगल्या संधी मिळू शकतात. ऑफिसच्या कामात तुम्हाला एखादी महिला सहकारी मदत करू शकते. आठवड्याच्या शेवटी कुटुंबातील एखादा सदस्य तुम्हाला सरप्राईज देऊ शकतो. या आठवड्यात तुम्ही तुमच्या आवडीची कोणतीही वस्तू खरेदी करू शकता.

धनु रास (Sagittarius)

धनु राशीच्या लोकांसाठी हा आठवडा शुभ आणि यशस्वी असणार आहे. या आठवड्यात तुम्हाला काही मोठ्या आणि चांगल्या संधी मिळतील. तुमच्या व्यवसायाबाबत तुम्ही भूतकाळात घेतलेले निर्णय या आठवड्यात तुमच्यासाठी फायद्याचे ठरतील. या आठवड्यात तुमचे प्रेमसंबंध पूर्वीपेक्षा अधिक घट्ट होतील. तुमचा प्रियकरावरील विश्वास आणि जवळीक वाढेल. विवाहित लोकांना जोडीदाराशी संबंधित काही चांगली बातमी ऐकायला मिळू शकते, ज्यामुळे कुटुंबात आनंदाचं वातावरण निर्माण होईल. या राशीचे लोक जे परीक्षा स्पर्धेची तयारी करत आहेत, त्यांना काही चांगली बातमी मिळू शकते.

मीन रास (Pisces)

जानेवारीचा चौथा आठवडा मीन राशीच्या लोकांसाठी खूप भाग्याचा असणार आहे. आठवड्याच्या सुरुवातीला घरात काही धार्मिक कार्यक्रम निघू शकतात. खूप दिवसांनी तुमच्या प्रिय व्यक्तीला भेटल्यानंतर तुम्हाला चांगलं वाटेल. व्यावसायिकांना या आठवड्यात अपेक्षित नफा मिळेल आणि तुम्हाला पुढे जाण्याची संधीही मिळेल. या आठवड्यात कामाच्या संदर्भात केलेला प्रवास तुमच्यासाठी आनंददायी आणि लाभदायक असेल. जोडीदारासोबत तुमचा ताळमेळ चांगला राहील.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: