Gemini Horoscope 2024 : आरोग्य, शिक्षण आणि करिअरच्या बाबतीत मिथुन राशीसाठी पुढचे 7 दिवस कसे असतील? वाचा साप्ताहिक राशीभविष्य

Gemini Horoscope 24 October To 03 November 2024 : तुमचा व्यवसाय, करिअर, आरोग्य आणि लव्ह लाईफ या काळात कशी असेल? मिथुन राशींचे साप्ताहिक राशीभविष्य जाणून घ्या.

Gemini Horoscope 24 October To 03 November 2024

Source : Other

Gemini Horoscope 24 October To 03 November 2024 : नवीन आठवडा सुरु व्हायला अवघे काही दिवसच शिल्लक आहेत. ऑक्टोबर महिन्याचा शेवटचा आठवडा फार खास असणार आहे. कारण या आठवड्यात दिवाळी असल्या कारणाने काही राशींसाठी हा आठवडा महत्त्वाचा असणार आहे. ऑक्टोबर महिन्याचा शेवटचा आणि नोव्हेंबर महिन्याचा पहिला आठवडा मिथुन राशीसाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? मिथुन राशींचे साप्ताहिक राशीभविष्य (Weekly Horoscope) जाणून घ्या.

मिथुन राशीची लव्ह लाईफ (Gemini Love Horoscope)

मिथुन राशीचे लोक नवीन आठवड्यात पार्टनरला खुश ठेवण्याचा प्रयत्न करतील. तसेच, भावा-बहिणीच्या नात्यात प्रेम दिसून येईल. या आठवड्यात भाऊबीज असल्या कारणाने तुमच्या नात्यात चांगले संबंध राहतील. तसेच, जे लोक लग्नाच्या तयारीत आहेत त्यांना लवकरच नवीन जोडीदार भेटण्याची शक्यता आहे. 

मिथुन राशीचे करिअर (Gemini Career Horoscope)

मिथुन राशीच्या लोकांसाठी नवीन आठवडा चांगला असणार आहे. नवीन कामाच्या ठिकाणी तुमच्या जबाबदारीत वाढ होऊ शकते. तसेच, नवीन जबाबदाऱ्या घेण्यासाठी कोणताच संकोच करु नका. तुमची संवाद कौशल्य क्षमता 
चांगली ठेवण्याचा प्रयत्न करा. यामुळे परदेशी क्लाएंट्स हॅंडल करण्यासाठी  तुम्हाला मदत होईल. 

मिथुन राशीची आर्थिक स्थिती (Gemini Wealth Horoscope)

आर्थिक बाबतीत मिथुन राशीच्या लोकांची स्थित चांगली असणार आहे. नवीन घर, वाहन खरेदीसाठी तुम्ही सक्षम असाल. तसेच, घरात शुभ कार्याचं आयोजन करण्यात येणार असल्यामुळे तुम्हाला पैसे खर्च करावे लागू शकतात.तसेच, या कालावधीत तुम्हाला तुमचे रखडलेले पैसेही परत मिळू शकतात. त्यामुळे तुम्ही निश्चिंत असाल. 

मिथुन राशीचे आरोग्य (Gemini Health Horoscope)

नवीन आठवड्यात तुम्ही तुमच्या आरोग्याबाबत अधिक सतर्क असणं गरजेचं आहे. काही महिलांना आरोग्याच्या तक्रारी जाणवू शकतात. तसेच, वातावरणातील बदलामुळे तुम्हाला ताप, सर्दी, खोकला देखील जाणवू शकतो. यासाठी वेळीच डॉक्टरांशी संपर्क साधा. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :