Astrology : आज रवि योगासह बनले अनेक शुभ योग; 5 राशींचं नशीब सोन्यासारखं उजळणार, अचानक धनलाभाचे संकेत

Astrology Panchang 20 December 2024 : वैदिक ज्योतिष शास्त्रानुसार, आज जुळून आलेल्या शुभ योगाचा परिणाम 5 राशीच्या लोकांवर होणार आहे. या राशी नेमक्या कोणत्या ते जाणून घेऊयात. 

Astrology Panchang 20 December 2024

Source : ABP Web Team

Astrology Panchang 20 December 2024 : आज 20 डिसेंबरचा दिवस म्हणजेच शुक्रवारचा दिवस हा फार शुभ आहे. आज मार्गशीर्ष महिन्याच्या कृष्ण पक्षातील पंचमी तिथी आहे. तसेच, आजच्या दिवशी रवि योग (Yog), शश राजयोग आणि मघा नक्षत्राचा शुभ संयोग जुळून आला आहे. त्यामुळे आजच्या दिवसाचं महत्त्व फार वाढलं आहे.

वैदिक ज्योतिष शास्त्रानुसार, आज जुळून आलेल्या शुभ योगाचा परिणाम 5 राशीच्या लोकांवर होणार आहे. या राशी नेमक्या कोणत्या ते जाणून घेऊयात. 

वृषभ रास (Taurus Horoscope Today)

वृषभ राशीच्या लोकांसाठी आजचा दिवस चांगला असणार आहे. आज तुम्हाला वडिलोत्पार्जित संपत्तीतून लाभ मिळण्याची शक्यता आहे. तसेच, तुम्ही गुंतवून ठेवलेल्या पैशांतून तुम्हाला चांगला लाभ मिळेल. सरकारी नोकरीच्या जे तरुण तयारीत आहेत लवकरच त्यांना त्यांच्या मेहनतीचं चांगलं यश मिळेल. जे व्यापारी वर्गातील लोक आहेत त्यांना कामातून चांगला लाभ मिळेल. घरी शुभ कार्य घडण्याची शक्यता आहे. 

वृश्चिक रास (Scorpio Horoscope Today)

वृश्चिक राशीच्या लोकांसाठी आजचा दिवस फलदायी असणार आहे. आज भगवान विष्णूची तुमच्यावर कृपा असेल. तुम्ही हाती घेतलेलं कार्य यशस्वीपणे पूर्ण कराल. तुमच्यावर सगळ्यांचा विश्वास आहे. या विश्वासास तुम्ही पात्र ठराल. तसेच, लवकरच आयुष्यात शुभ योग जुळून येणार आहेत. ग्रहांची स्थिती चांगली असल्या कारणाने कोणतीच चिंता करण्याची गरज नाही. 

सिंह रास (Leo Horoscope Today)

सिंह राशीच्या लोकांसाठी आजचा दिवस भाग्याचा असणार आहे. आज देवी लक्ष्मीची तुमच्यावर विशेष कृपा असणार आहे. तुम्ही हाती घेतलेल्या कार्यात तुम्हाला यश मिळेल. तसेच, जर तुम्ही नवीन व्यवसाय सुरु करण्याचा विचार करत असाल त्यातून तुम्हाला चांगला लाभ मिळू शकतो. मित्र-परिवाराबरोबर तुम्ही फिरायला जाऊ शकता. कुटुंबात तुमच्यावर मोठी जबाबदारी सोपवली जाऊ शकते. 

मकर रास (Capricorn Horoscope Today)

मकर राशीच्या लोकांसाठी आजचा दिवस आनंददायी असणार आहे. आज तुमची सर्व रखडलेली कामे पूर्ण होतील. तसेच, जर तुम्ही एखाद्या योजनेत पैसे गुंतवले असतील तर त्यातून तुम्हाला चांगला नफा मिळेल. जर तुम्हाला नवीन घर, वाहन, प्रॉपर्टी विकत घ्यायची असेल तर त्यासाठी आजचा दिवस चांगला आहे. संध्याकाळच्या वेळी तुम्ही तुमच्या कुटुंबियांबरोबर फिरायला जाऊ शकता. 

कुंभ रास (Aquarius Horoscope Today)

कुंभ राशीच्या लोकांसाठी आजचा दिवस उत्साहाचा असणार आहे. आज तुम्हाला नशिबाची चांगली साथ मिळेल. तसेच, वैवाहिक जीवनात देखील आनंद दिसून येईल. मित्रांच्या साथीने तुम्ही अनेक कामे पूर्ण करण्यात यशस्वी व्हाल. आज नवीन गोष्टी तुम्ही शिकाल. याचा भविष्यात तुम्हाला चांगला फायदा होईल. लवकरच धार्मिक स्थळी भेट देण्याचा शुभ योग जुळून येणार आहे. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: