Thackeray Rally | दोन्ही पक्षांची एकजूट, ठाकरे बंधू मेळाव्याचा केंद्रबिंदू

मेळाव्याबाबत दोन्ही पक्षांची एकजूट स्पष्टपणे दिसून येत आहे. दोन्ही पक्षांच्या नेत्यांनी पक्षीय अहंकार बाजूला ठेवत मेळाव्याचे काम केले आहे. बॅनर आणि घोषणांमधून दोन्ही पक्षांनी एकमेकांना डिवचले नाही. सोशल मीडिया, बॅनर आणि जाहिरातींद्वारे मेळाव्याची जोरदार तयारी करण्यात आली आहे. गर्दीचे नियोजन ही दोन्ही पक्षांची संयुक्त जबाबदारी आहे. दोन्ही पक्षातल्या नेत्यांची विशेष टीम करून जबाबदारीचं वाटप करण्यात आले आहे. आज मेळाव्यातल्या प्रत्येक बाबीची रंगीत तालीमही करण्यात येणार आहे. व्यासपीठावर केवळ पक्षाध्यक्ष आणि प्रतिपक्षाध्यक्षांना स्थान असेल. इतर नेते व्यासपीठासमोर असतील. ठाकरे बंधूंसह मोजक्या नेत्यांची भाषणे होणार आहेत. आदित्य ठाकरे आणि अमित ठाकरे हे व्यासपीठाखालीच असतील. मेळाव्याचा केंद्रबिंदू ठाकरे बंधूच असणार आहेत. सर्व नेत्यांचा सन्मान जपला जाईल अशी व्यवस्था करण्यात येईल.