Solapur Umrani Dam : सोलापुरात पावसामुळे उमराणी बंधारा तुडुंब भरला, बंधाऱ्यांची विहंगम ड्रोन दृश्य

Solapur Umrani Dam : सोलापुरात पावसामुळे उमराणी बंधारा तुडुंब भरला, बंधाऱ्यांची विहंगम ड्रोन दृश्य

भीमा नदीवरील महाराष्ट्र - कर्नाटक सीमेवर असलेल्या लवंगी - सादेपूर दरम्यान कर्नाटक हद्दीत असलेल्या उमराणी गावात कर्नाटक सरकारने अत्याधुनिक तंत्रज्ञानावर आधारित स्वयंचलित बंधारा बांधलाय. सोलापूर जिल्ह्यात यंदा में महिन्यात झालेल्या रेकॉर्डब्रेक पावसामुळे हा बंधारा तुडुंब भरला आहे. खास एबीपी माझाच्या  प्रेक्षकांसाठी या बंधाऱ्याची विहंगम दृश्य टिपली आहेत ड्रोन पायलट ओंकार दीक्षित यांनी..

कर्नाटक सरकारने जवळपास 133 कोटी खर्च करून हा बंधारा बांधलाय. जवळपास 30. फूट उंची असलेल्या या बंधऱ्यात पाऊण टीएमसी पाण्याची साठवण क्षमता  आहे. 

विशेष म्हणजे या बंधाऱ्याचा सोलापूर जिल्ह्याला फायदा होणार असून सोलापूरकरांना या बंधाऱ्याच पाणी पिण्यासाठी मिळणार आहे. या बंधाऱ्यामुळे 10 हजार 120 एकर क्षेत्राला सिंचनाचा फायदा होणार आहे. त्यातील 9215 एकर क्षेत्र कर्नाटक तर 815 एकर क्षेत्र महाराष्ट्रतील ओलिताखाली येईल.