Pune Crime : शिरगावच्या सरपंचांवर धारदार शस्त्रांनी हल्ला, थरारक घटना सीसीटीव्हीमध्ये कैद

साई बाबांचं प्रति शिर्डी अर्थात पुण्यातील शिरगावच्या सरपंचांवर धारदार शस्त्रांनी हल्ला झाला असून, या हल्ल्यात सरपंच चा मृत्यू झालाय. या घटनेनं मावळ तालुक्यासह जिल्ह्यात खळबळ उडाली आहे. प्रवीण गोपाळे असं मयत सरपंचांचे नाव होते. अज्ञात हल्लेखोरांनी त्यांच्यावर धारदार शस्त्रांनी वार केलेत. या हल्ल्यानंतर गोपाळे घटनास्थळी रक्ताच्या थारोळ्यात पडले होते. त्यानंतर तातडीनं त्यांना खाजगी रुग्णालयात उपचारासाठी दाखल करण्यात आले, मात्र दुर्दैवाने त्यांचा मृत्यू झाला. हा हल्ला नेमका का करण्यात आला? हे हल्लेखोरांच्या अटकेनंतर स्पष्ट होणार आहे. पिंपरी चिंचवड पोलीस त्यांचा शोध घेतायेत.