Nashik Saptashrungi Bus Accident : नाशिकच्या सप्तश्रृंगी गड घाटात बसला अपघात, एका महिलेचा मृत्यू

नाशिकच्या सप्तश्रृंगी गड घाटात बसला अपघात झाला असून अपघातात एका महिलेचा मृत्यू झाला आहे. तर २० प्रवासी जखमी झालेत. यात बसचालक गंभीर जखमी झालाय. बस सप्तशृंगी गडावरून खामगावच्या दिशेनं निघाली होती. त्यावेळी घाटातील गणपती टप्प्यावरुन बस थेट २०० फूट खोल दरीत कोसळली. दरम्यान, अपघाताची माहिती मिळताच नाशिकचे पालकमंत्री दादा भुसे अपघातस्थळी रवाना झाले आहेत. सप्तश्रृंगी गडावरील स्थानिक रहिवाशी आणि शासकीय यंत्रणांकडून मदतकार्य सुरू झालं आहे. बसमध्ये २३ प्रवासी असल्याची माहिती मिळते. सकाळी 6 वाजून 50 मिनिटांनी ही दुर्घटना घडली  १६ जखमींवर वणीच्या जिल्हा शासकीय रुग्णालयात उपचार सुरू आहेत, तर ६ जखमींवर ग्रामीण रुग्णालयात उपचार सुरू आहेत.