Shikshaaabhiyan.org ही वेबसाईट बनावट; सतर्क राहा; राज्य सरकारचा सल्ला

तुम्हीही शिक्षक भरतीसाठी अर्ज करणार असाल तर वेळीच सावध व्हा. शिक्षक भरतीसाठी अर्ज करणाऱ्या उमेदवारांना सतर्क करणारी बातमी हाती आली आहे. shikshaaabhiyan.org या वेबसाईटवरुन तुम्ही शिक्षक किंवा इतर पदांच्या भरतीसाठी अर्ज केला असेल तर यासंदर्भात एक धक्कादायक माहिती समोर आली आहे. Shikshaaabhiyan.org  ही वेबसाईट बनावट असून त्याचा शासनाशी काहीही संबंध नाही, असा खुलासा राज्य शासनाकडून करण्यात आला आहे. त्यामुळे या वेबसाईटपासून सावध राहण्याचं आवाहनही शासनानाच्या वतीनं करण्यात आलं आहे. त्याचप्रमाणे यासंदर्भात मुंबईतील मरिन लाईन्स पोलीस स्थानकात राज्य शासनानं तक्रारही दाखल केली आहे.