वाढत्या महागाईविरोधात राष्ट्रवादीचं भाजप कार्यालयासमोर आंदोलन,महिला कार्यकर्त्या पोलिसांच्या ताब्यात

केंद्र सरकारने केलेल्या इंधन दरवाढी विरोधात आज बारामतीमध्ये राष्ट्रवादी काँग्रेसकडून आंदोलन करण्यात आलं. पेट्रोलने शंभरी पार केली असून घरघुती गॅस ही महागले आहेत. पेट्रोल, डिझेल, गॅस सिलेंडर यांच्यासोबतच महागाई दिवसेंदिवस वाढत असून यामुळे गृहिणींचं बजेट कोलमडल आहे. यामुळे या वाढत्या महागाई विरोधात आज राष्ट्रवादीकडून बारामतीतील प्रशासकीय इमारतीच्या बाहेर आंदोलन करण्यात आलं. यावेळी सरकार विरोधात घोषणाबाजी करण्यात आली. प्रांताधिकारी दादासाहेब कांबळे यांना निवेदन देऊन आंदोलन मागे घेण्यात आलं.