Attack on Shiv Sena Leader | मुंबईतील विक्रोळीत शिवसेना उपविभागप्रमुखावर गोळीबार | ABP Majha

महाराष्ट्रात पोलिसांचा धाक उरला का असा प्रश्न पडत आहे. कारण मंगळवारी (17 डिसेंबर) रात्री नागपूरचे महापौर संदीप जोशी यांच्यावरील गोळीबाराची घटना ताजी असतानाच, आज मुंबईतल्या विक्रोळीमध्येही गोळीबार झाला आहे. शिवसेना उपविभागप्रमुख चंद्रशेखर जाधव यांच्यावर गोळीबार करण्यात आला आहे. यात चंद्रशेखर जाधव जखमी झाले असून त्यांच्यावर गोदरेज रुग्णालयात उपचार सुरु आहेत. याप्रकरणी पोलिसांनी आरोपीला ताब्यात घेतलं आहे. त्याच्याकडून हल्ल्याचं शस्त्र जप्त करण्यात आलं आहे.