Mumbai : ओमायक्रॉन व्हेरिएंटच्या विरोधात मुंबई पलिकेनं कंबर कसली ABP Majha

ओमायक्रॉनविरोधात लढ्यासाठी पालिका सज्ज झालेय. चाचण्या वाढवण्यासाठी पालिकेनं तब्बल २० लाख अँटिजेन टेस्ट किट्स खरेदीचा प्रस्ताव ठेवलाय. यामुळे आता अँटिजेन टेस्ट अवघ्या ९ रुपयात होणार आहे आणि त्याचे रिपोर्टही अवघ्या अर्ध्या तासात मिळणार आहेत. मुंबईत सध्या दिवसाला सरासरी अडीचशे कोरोनाबाधित सापडतायत. त्यातच ओमायक्रॉनचा धोका वाढू नये म्हणून पालिकेचा चाचण्या वाढवण्याचा प्रयत्न आहे. पालिकेनं अँटिजेन किट्स खरेदीसाठी राबवलेल्या निविदा प्रक्रीयेला ५ कंत्राटदारांनी प्रतिसाद दिलाय. स्पर्धा वाढल्यानं कंपन्यांनी किमती कमी केल्याचं कळतंय.