घर विक्रीसाठी Mira Road मध्ये मराठी माणसाला नाकारलं, गोवर्धन देशमुखांची तक्रार, गुन्हा दाखल

वसई : महाराष्ट्रात चक्क मराठी माणसालाच घर नाकारल्याची घटना मुंबई जवळच्या मिरा रोडमध्ये घडली आहे. घर विकण्याची एक जाहिरात सोशल मीडियावर टाकण्यात आली होती. मात्र, त्यावर घर फक्त गुजराती, मारवाडी, जैन धर्मांच्या लोकांनाच विक्री केलं जाईल असं लिहलं होतं. तर मोबाईलवरही स्पष्ट शब्दात सोसायटी मध्ये मराठी, मुस्लिम, ख्रिश्चन लोकांना रूम विकत नसल्याचं सांगितलं गेलं. घर नाकारण्याविरोधात आणि जाहिरात टाकणाऱ्याविरोधात नया नगर पोलीस ठाण्यात गुन्हा दाखल झाला आहे. मात्र, मुंबईच्या वेशीवरील मिरा रोडमध्ये चक्क मराठी माणूस नॉट अलावूडमुळे मिरा भाईंदरमध्ये संतापाच वातावरण निर्माण झालं आहे.