MVA Meeting at Matoshree : महाविकास आघाडीचीआज 'मातोश्री' निवासस्थानी तातडीची बैठक

महाविकास आघाडीची आज 'मातोश्री' निवासस्थानी तातडीची बैठक

उद्धव ठाकरे यांच्यासह शरद पवार, नाना पटोले, संजय राऊत हे नेते राहणार बैठकीला उपस्थित

गेल्या काही दिवसांत राज्यात घडलेल्या गंभीर घटना, राजकीय आणि सामाजिक घडामोडी यांवर या बैठकीत चर्चा केली जाणार असून महाविकास आघाडीची पुढील रणनीती व दिशा ठरवली जाणार आहे.

 राज्यातील कायदा सुव्यवस्था, महिला सुरक्षा याबाबत  महाविकास आघाडीच्या बैठकीत चर्चा होणार आहे, त्यासोबतच बदलापूर मधील घटना, राज्यात महिलांवर होणारे अत्याचार  याबाबत महाविकास आघाडीतील महत्त्वाचे नेते  चर्चा करणार आहेत

मालवणात शिवरायांचा पूर्णाकृती पुतळा कोसळण्याची दुर्दैवी घटना घडली. पंतप्रधान मोदींच्या हस्ते उद्घाटन झालेला हा पुतळा निकृष्ट बांधकामामुळे अवघ्या आठ महिन्यांत कोसळला, असा आरोप विरोधकांकडून करण्यात आला आहे... त्यामुळे या बैठकीत या सगळ्या संदर्भात सुद्धा चर्चा होणार आहे... महाविकास आघाडीची भूमिका व पुढील रणनीती या सगळ्या बैठकीनंतर ठरणार आहे