Dharashiv Voter List Fraud: परांडा नगरपरिषदेत बोगस मतदार नोंदणी? एकाच पत्यावर 37 मतदारांची नोंद

धाराशिवच्या (Dharashiv) परांडा नगरपरिषदेतील (Paranda Nagar Parishad) मतदार यादीतील गंभीर घोटाळ्याचा प्रकार समोर आला आहे. सामाजिक कार्यकर्ते अरबाज पठाण (Arbaz Pathan) यांनी हा धक्कादायक प्रकार उघडकीस आणला. 'एकाच घराच्या पत्त्यावर तब्बल ३७ मतदारांची नोंद करण्यात आली असून, हे घर शिवसेना शिंदे गटाच्या माजी नगरसेवकाचं असल्याचा' आरोप पठाण यांनी केला आहे. विशेष म्हणजे, या यादीत हिंदू, मुस्लिम, दलित, माळी, ब्राह्मण अशा विविध जाती-धर्माच्या लोकांचा समावेश आहे. इतकेच नाही, तर यात उत्तर प्रदेशातून आलेल्या पाच मजुरांच्या नावांचाही समावेश असल्याचा दावा करण्यात आला आहे. या गंभीर प्रकारामुळे निवडणूक प्रक्रियेच्या पारदर्शकतेवर मोठे प्रश्नचिन्ह निर्माण झाले आहे. याप्रकरणी नगरपरिषद प्रशासनाकडे लेखी तक्रार दाखल करण्यात आली असून, संपूर्ण प्रकरणाची सखोल चौकशी करण्याची मागणी जोर धरत आहे.