Morning Prime Time : मॉर्निंग प्राइम टाइम : 07:00AM : बातम्यांचा वेगवान आढावा : 28 August 2025

उद्धव ठाकरे आणि राज ठाकरे यांची तब्बल बावीस वर्षांनंतर शिवतीर्थावर भेट झाली. उद्धव ठाकरे सहकुटुंब शिवतीर्थावर पोहोचले आणि बाप्पाचे दर्शन घेतले. दोन तास कौटुंबिक चर्चा झाली, तर उद्धव आणि राज ठाकरेंमध्ये दहा मिनिटे स्वतंत्र चर्चा झाली. या भेटीमुळे ठाकरे बंधूंच्या पुढील राजकीय वाटचालीची दिशा ठरणार आहे. उपमुख्यमंत्री अजित पवार यांनी माळेगाव सहकारी साखर कारखान्याची निवडणूक जिंकल्यानंतर मतदारांचे आभार मानले. त्यांनी पीडीसी बँकेच्या लेखी परीक्षेत पास झाल्यास तोंडी परीक्षेत मदत करण्याचे वक्तव्य केले. तसेच, निधी मिळवण्यासाठी सहा लाख रुपये द्यायला होकार दिला असल्याचा एक किस्सा सांगितला. सोलापुरातील करमाळा तालुक्यातील शेतकऱ्यांनी कर्जमाफीसाठी योग्य वेळ कधी येणार, असा सवाल करत अजित पवारांवर टीका केली. शेतकऱ्यांनी कर्जमाफीसाठी सामूहिक आत्महत्या करण्याचा इशारा दिला. मध्यप्रदेशातून महाराष्ट्रात झिरो रॉयल्टी पासवर दहा हजार ब्रास वाळू आणल्याप्रकरणी मुंबई उच्च न्यायालयाच्या नागपूर खंडपीठाने शासनाला नोटीस बजावली आहे. यामुळे महाराष्ट्र सरकारचे कोट्यवधी रुपयांचे महसुली नुकसान झाल्याचा आरोप याचिकेत करण्यात आला. सरसंघचालक मोहन भागवत यांनी संघाच्या शताब्दी वर्षानिमित्त दिल्लीत कार्यक्रमात स्वदेशीत्व मंत्र जपण्याचे आवाहन केले. "आत्मनिर्भर होऊन स्वदेशीला महत्त्व द्या" असे त्यांनी म्हटले. गडचिरोली नारायणपूर सीमेवरील कोपर्शी जंगल परिसरात पोलीस आणि नक्षलवाद्यांमध्ये झालेल्या चकमकीत चार नक्षलवादी ठार झाले. कोकण आणि घाटमाथ्यावर मुसळधार ते अतिमुसळधार पावसाची शक्यता असून, वेधशाळेने ऑरेंज अलर्ट जारी केला आहे. राज्यभरात गेल्या चोवीस तासांत पाऊस बळींची संख्या पंधरावर गेली आहे. पुण्यात पस्तीस हजार महिलांनी सामूहिक अथर्वशीर्ष पठण केले.