सोयाबीनचे दर Soybean हजारांनी गडगडले, राज्यातील सोयाबीन उत्पादक शेतकऱ्यांना मोठा फटका : ABP Majha

सोयाबीनच्या दरात तीन हजाराने घसरण झालेली आहे. (Soyabean) अपेक्षेप्रमाणे त्याचा परिणाम सोयाबीनच्या आयातीवर होता. भारत सरकारनं 12 लाख टन जनुकीय बदल केलेल्या सोयाबीन डीओसीच्या (पशुखाद्य) आयातीला दिली परवानगी दिली आहे.  मोदी सरकारच्या या निर्णयाचा देशातल्या सोयाबीन उत्पादकांना मोठा फटका बसणार आहे. यामुळं मागील 25 दिवसांपूर्वी 10 हजार रुपये क्विंटलवर गेलेले सोयाबीनचे भाव 2 हजार रुपयांनी घसरले आहेत. भारतात दरवर्षी 65 लाख मे. टन डीओसीचं होतं उत्पादन होत असते. देशांतर्गत 60 लाख टन डी ओ सी ची गरज असते. सध्या देशात अतिरिक्त सोयाबीन असताना सरकारनं 12 लाख टन डी ओ सी आयातीला  परवानगी दिली आहे. 31 ऑक्टोबरपर्यंत डी ओ सी ची पहिली खेप भारतात दाखल होईल. ह्याचकाळात देशातील सोयाबीन बाजारात दाखल होत आहे. यामुळे आता आठ हजाराच्या घरात आलेले सोयाबीनचे दर आणखीन पडण्याची भीती व्यक्त केली जात आहे.