Shiv Sena Symbol SC Hearing | शिवसेना कुणाची? धनुष्यबाण कुणाचा?, सर्वोच्च न्यायालयात होणार फैसला!

शिवसेनेतील फुटीनंतर पक्ष आणि 'धनुष्यबाण' चिन्हावर दावा करण्यात आला होता. एकनाथ शिंदे यांनी बंड केल्यानंतर त्यांनी शिवसेनेवर हक्क सांगितला. त्यानंतर निवडणूक आयोगाने शिंदे गटाला खरी शिवसेना म्हणून मान्यता दिली आणि त्यांना शिवसेना हे नाव तसेच 'धनुष्यबाण' चिन्ह वापरण्याची मुभा दिली. निवडणूक आयोगाच्या या निर्णयाला उद्धव ठाकरे गटाने सुप्रीम कोर्टात आव्हान दिले आहे. या प्रकरणी सर्वोच्च न्यायालयात उद्या फैसला होणार आहे. ठाकरे गटाचे वकील असीम सरवदे यांनी संविधानाचा विचार केल्यास निकाल उद्धव ठाकरेंच्या बाजूने लागू शकतो, असा विश्वास व्यक्त केला आहे. "हा उद्धव ठाकरेंच्या बाजूने निकाल लागू शकतो असा विश्वास ठाकरेंचे वकील असीम सरवदे यांनी व्यक्त केलेला आहे," असे सरवदे यांनी म्हटले आहे. या निकालाकडे संपूर्ण राज्याचे लक्ष लागले आहे.