Sanjay Raut Arrest : संजय राऊतांच्या अटकेचे पडसाद राज्यभर ABP Majha

संजय राऊत... शिवसेनेच्या बारा नेत्यांपैकी एक आणि राज्यसभेत चौथ्यांदा खासदार. संजय राऊतांची चटकन सांगता येईल अशी ही ओळख असली तरी या घडीला शिवसेनेच्या आजवरच्या सर्वात प्रभावशाली नेत्यांमध्ये त्यांचा समावेश होतो. बाळासाहेब ठाकरेंच्या काळात शिवसेनेत मैदानी वक्त्यांची भलीमोठी फौज होती. राऊत अगदी त्या पठडीत बसत नाहीत. पण सलीम जावेद यांच्या शैलीतल्या त्यांच्या खटकेबाज संवादांनी महाराष्ट्राचं राजकारण चुरचुरीत बनवलंय. पाहूयात लोकप्रभाचे क्राईम रिपोर्टर ते सामनाचे कार्यकारी संपादक आणि शिवसेनेचे खासदार हा संजय राऊतांचा प्रवास कसा घडला?