Ravi Landge Join Uddhav Thackeray : अजितदादांच्या संपर्कात असणारे रवी लांडगे ठाकरे गटाच्या वाटेवर

Ravi Landge Join Uddhav Thackeray : अजितदादांच्या संपर्कात असणारे रवी लांडगे ठाकरे गटाच्या वाटेवर

उद्धव ठाकरे आज अजित पवारांना पुन्हा एकदा धक्का देणार आहेत. पिंपरी चिंचवडमधील माजी नगरसेवक रवी लांडगे आज ठाकरेंची मशाल पेटविणार आहेत. मोठं शक्तिप्रदर्शन करत लांडगे मुंबईच्या दिशेने रवाना होतायेत. आज मातोश्रीवर ठाकरेंच्या उपस्थितीत ते हाती शिवबंधन बांधणार आहेत. दोन वर्षांपूर्वी भाजपचा राजीनामा दिल्यापासून लांडगे अजित पवारांच्या संपर्कात होते. लोकसभेत ही लांडगेनी घड्याळाचा प्रचार दणक्यात केला. मात्र भोसरी विधानसभेची जागा भाजपला सुटणार असल्यानं आगामी विधानसभा निवडणूक लढण्याची तयारी केलेल्या रवी लांडगेना महायुतीतून तिकीट मिळणार नाही हे उघड आहे. म्हणूनचं रवी लांडगेनी महाविकासआघाडीत जाण्याचा निर्णय घेतलाय. अजित पवार गटाचे शहराध्यक्ष अजित गव्हाणेंनी आधीचं शरद पवार गटात प्रवेश करत, तुतारीसाठी दावा केलाय. मविआमध्ये ही जागा ठाकरेंच्या शिवसेनेला ही मिळेल, ही शक्यता गृहीत धरून रवी लांडगे मशाल हाती घेण्यासाठी मुंबईला रवाना होतायेत. मातोश्रीवर ठाकरेंच्या उपस्थितीत लांडगेंचा प्रवेश होणार आहे.