Special Report Pune Dog: हा भ्रष्टाचाराचा प्रकार, कंत्राटदारांच्या घशात 5 कोटी घालण्याचा घाट, पुणेकरांचा आरोप

पुणे महानगरपालिकेने (Pune Municipal Corporation) शहरातील भटक्या कुत्र्यांच्या (Stray Dogs) वाढत्या समस्येवर नियंत्रण मिळवण्यासाठी मायक्रोचिप (Microchip) बसवण्याचा निर्णय घेतला आहे, ज्यावरून आता नवा वाद सुरू झाला आहे. 'हा सगळा भ्रष्टाचाराचा प्रकार असून कंत्राटदाराच्या घशात पैसे घालण्याचा घाट असल्याचाही आरोप होत आहे'. वडगाव शेरीमध्ये एका लहान मुलीवर झालेल्या हल्ल्यानंतर महापालिकेने हा निर्णय घेतला. या योजनेअंतर्गत, भटक्या कुत्र्यांना RFID तंत्रज्ञानावर आधारित मायक्रोचिप बसवण्यात येणार आहे, ज्यामुळे त्यांचे लसीकरण आणि नसबंदीचा डेटाबेस तयार होण्यास मदत होईल. सुरुवातीला 600 कुत्र्यांवर पायलट प्रोजेक्ट राबवून नंतर 60,000 कुत्र्यांमध्ये चिप बसवण्याचे उद्दिष्ट आहे. या प्रकल्पासाठी 5 कोटी रुपयांचा खर्च अपेक्षित असून, काही पुणेकरांनी आणि सामाजिक कार्यकर्त्यांनी यावर टीका केली आहे. या खर्चापेक्षा कुत्र्यांची नसबंदी आणि त्यांच्यासाठी कोंडवाडे किंवा निवारागृहे उभारावीत, असा सल्ला दिला जात आहे.