Pune Rain Update | पुण्यात पावसाचा जोर वाढला, खडकवासला धरणातून मोठा विसर्ग सुरू

पुणे शहरात सकाळपासून पावसाला पुन्हा सुरुवात झाली आहे. धरण क्षेत्रातही पावसाचा जोर कायम आहे. खडकवासला धरणातून मुठा नदीच्या पात्रात दहा हजाराहून अधिक क्युसेक वेगाने पाण्याचा विसर्ग सुरू करण्यात आला आहे. 'मुठा नदी ही दुथडी भरून वाहत आहे आणि अजूनसुद्धा सकाळपासून पुणे शहरात पाऊस सुरू आहे,' असे सांगण्यात आले. धरण क्षेत्रात पावसाचा जोर असल्याने खडकवासला धरणातून पाण्याचा विसर्ग हळूहळू वाढवला जाऊ शकतो, अशी माहिती देण्यात आली आहे. पुण्यातील वेगवेगळ्या भागांमध्ये पावसाचा प्रभाव जाणवत आहे. नागरिकांनी सतर्क राहण्याचे आवाहन करण्यात आले आहे. पावसामुळे नदीपात्रातील पाणीपातळी वाढली असून, प्रशासनाकडून परिस्थितीवर लक्ष ठेवले जात आहे.