Voter List Row: 'विरोधकांची केविलवाणी धडपड, फक्त मिमिक्री करतायत', Pravin Darekar यांची टीका

भाजप नेते प्रवीण दरेकर (Pravin Darekar) यांनी मतदार यादीच्या (Voter List) मुद्द्यावरून आंदोलन करणाऱ्या विरोधकांवर जोरदार टीका केली आहे. 'जो लोकसभेच्या निवडणुकीमध्ये संविधान बदलणार हे त्याठिकाणी नरेटिव त्यांना कामी आलं तशा प्रकाराचा या निवडणुकीत मतदार यादीवर बोलून आपल्याला नरेटिव सेट करता येतंय का याचा केविलवाणा या ठिकाणी प्रयत्न आहे', असे म्हणत दरेकरांनी विरोधकांच्या भूमिकेवर प्रश्नचिन्ह निर्माण केले. विरोधक केवळ भावनिक वातावरण निर्माण करून आणि मिमिक्री करून निवडणुकीसाठी चुकीचा नरेटिव्ह सेट करण्याचा केविलवाणा प्रयत्न करत आहेत, असा आरोपही दरेकर यांनी केला. लोकसभेप्रमाणेच आता विधानसभा निवडणुकीतही मतदार यादीच्या मुद्द्यावरून जनतेची दिशाभूल करण्याचा हा प्रयत्न असल्याची टीका त्यांनी केली.