Maharashtra Rains: भंडारा जिल्ह्यात परतीच्या पावसाचा कहर, ४३ हजार शेतकऱ्यांचे १८ हजार हेक्टरवरील पीक उद्ध्वस्त!

भंडारा (Bhandara) जिल्ह्यात परतीच्या पावसाने झालेल्या नुकसानीमुळे शेतकरी मोठ्या संकटात सापडला आहे. जिल्हा प्रशासनाच्या प्राथमिक अहवालानुसार जिल्ह्यातील ४७४ गावांमधील सुमारे ४३ हजार शेतकऱ्यांना याचा फटका बसला असून १८ हजार हेक्टरवरील भातपीक (Paddy Crop) आणि भाजीपाला पूर्णपणे नष्ट झाला आहे. जिल्हा प्रशासनाच्या प्राथमिक नजर अंदाज अहवालानुसार, 'जिल्ह्यातील चारशे चौऱ्याहत्तर गावांतील सुमारे त्रेचाळीस हजार शेतकऱ्यांना याचा फटका बसलाय'. परतीच्या पावसाचा सर्वाधिक फटका साकोली (Sakoli) तालुक्याला बसला असून येथील पंचवीस हजार सातशे तीस शेतकऱ्यांच्या नऊ हजार हेक्टरमधील पिकांचे नुकसान झाले आहे. या गंभीर परिस्थितीनंतर, भंडारा जिल्हा प्रशासनाने नुकसानग्रस्त शेतीचे तातडीने पंचनामे करून अंतिम अहवाल तयार करण्याचे काम सुरू केले आहे, जेणेकरून शेतकऱ्यांना लवकरात लवकर मदत मिळू शकेल.