Pm Modi Meet Donald Trump :गाळाभेट, हस्तांदोलन; डोनाल्ड ट्रम्प-पंतप्रधान मोदींच्या भेटीची EXCLUSIVE दृश्य

Pm Modi Meet Donald Trump  :गाळाभेट, हस्तांदोलन; डोनाल्ड ट्रम्प-पंतप्रधान मोदींच्या भेटीची EXCLUSIVE दृश्य

Donald Trump on BRICS : पंतप्रधान नरेंद्र मोदी सध्या अमेरिका दौऱ्यावर असताना सुद्धा टॅरिफवरून धमकावत सुटलेल्या राष्ट्राध्यक्ष डोनाल्ड ट्रम्प यांच्यावर कोणताही परिणाम झालेला नाही. डोनाल्ड ट्रम्प यांनी कर दरवाढीबाबत भाषण केले. एकीकडे ट्रम्प भारतासोबत व्यापार वाढविण्याबाबत बोलत असताना दुसरीकडे ट्रम्प यांनी ब्रिक्स (BRICS) देशांना कडक इशारा दिला आहे. ट्रम्प यांनी जाहीर केले की जर ब्रिक्स देशांनी एक समान चलन सुरू करण्यासाठी पुढे सरकले तर त्यांना अमेरिकेतील सर्व आयातीवर 100 टक्के शुल्क लागू होईल. ब्रिक्स कधीच मेल्याचे सांगत त्यांनी एक प्रकारे पुन्हा धमकी दिली आहे. डाॅलरशी खेळ करण्याचा प्रयत्न केल्यास 100 टक्के कर आकारला जाईल आणि ज्यादिवशी हे केलं जाईल त्या दिवशी ते भीख मागतील, असा इशाराच देऊन टाकला. इतकेच नव्हे जशास तसे कर लादण्यावर ट्रम्प यांनी मोदी अमेरिकेत पोहोचण्यापूर्वीच कार्यकारी आदेशावर सही करत कोणताही मुलाहिजा ठेवला नाही. 

अमेरिकेचे राष्ट्राध्यक्ष डोनाल्ड ट्रम्प यांनी देशाची सूत्रे हाती घेतल्यापासून ते शुल्क आणि आंतरराष्ट्रीय व्यापाराबाबत कठोर पावले उचलत आहेत. आपल्या निवडणूक प्रचारादरम्यान ट्रम्प यांनी जशास तसे उत्तर देत टॅरिफसाठी 100 टक्के शुल्क घेतले जाईल, असे म्हटले होते. आता ट्रम्प या दिशेने वाटचाल करताना दिसत आहेत.