Parth Pawar Land Row : पार्थ पवार जमीन व्यवहार: मुख्यमंत्र्यांकडून चौकशीचे आदेश, वडिलांचे हात वर

पुण्यातील कोरेगाव पार्क येथील वादग्रस्त जमीन व्यवहार प्रकरणी उपमुख्यमंत्री अजित पवार यांचे चिरंजीव पार्थ पवार यांच्यावर गंभीर आरोप झाले आहेत. 'माझा दुरान्वयेही संबंध नाही, मी चुकीच्या कामाचं समर्थन करत नाही,' असं म्हणत अजित पवार यांनी या प्रकरणातून हात झटकले आहेत. पार्थ पवार यांच्या अमीडिया कंपनीने तब्बल १८०० कोटींची जमीन केवळ ३०० कोटींना विकत घेतल्याचा आरोप विरोधकांनी केला असून, ही जमीन महार वतनाची असल्याचेही समोर आले आहे. या प्रकरणी मुख्यमंत्री देवेंद्र फडणवीस यांनी गंभीर दखल घेत उच्चस्तरीय चौकशीचे आदेश दिले आहेत. तर दुसरीकडे, राष्ट्रवादी काँग्रेसचे नेते एकनाथ खडसे यांनी या प्रकरणाची चौकशी होईपर्यंत अजित पवार यांनी नैतिक जबाबदारी स्वीकारून राजीनामा द्यावा, अशी मागणी केली आहे. या संपूर्ण गदारोळात खासदार सुप्रिया सुळे मात्र पार्थच्या पाठीशी उभ्या राहिल्या असून, 'पार्थ कुठलीही चुकीची गोष्ट करणार नाही,' असा विश्वास त्यांनी व्यक्त केला आहे.