Land Deal Row : पार्थ पवारांच्या जमीन घोटाळ्याच्या आरोपानंतर अजित पवार वर्षा बंगल्यावर दाखल

पुण्यातील मुंडवा येथील जमीन खरेदी-विक्री व्यवहारावरून उपमुख्यमंत्री अजित पवार यांचे चिरंजीव पार्थ पवार वादाच्या भोवऱ्यात सापडले आहेत. ‘प्राथमिकदृष्ट्या हे प्रकरण गंभीर दिसते,’ असे म्हणत मुख्यमंत्री देवेंद्र फडणवीस यांनी या प्रकरणाच्या उच्चस्तरीय चौकशीचे आदेश दिले आहेत. पार्थ पवार भागीदार असलेल्या अमेडिया एंटरप्रायझेस एलएलपी (Amadea Enterprises LLP) या कंपनीने सुमारे १८०० कोटी रुपयांची जमीन केवळ ३०० कोटी रुपयांना खरेदी केल्याचा आणि त्यावर मुद्रांक शुल्कात (stamp duty) मोठी सवलत मिळवल्याचा आरोप आहे. या प्रकरणी महसूल विभागाच्या अधिकाऱ्यांवर निलंबनाची कारवाई देखील करण्यात आली आहे. या घडामोडींमुळे महाराष्ट्राच्या राजकारणात खळबळ उडाली असून, उपमुख्यमंत्री अजित पवार यांच्या भूमिकेकडे सर्वांचे लक्ष लागले आहे.