NIA Raid : महाराष्ट्र आयसीस मोड्युलप्रकरणी एनआयए शुक्रवारी पुन्हा 20 हून अधिक लोकांची चौकशी करणार

महाराष्ट्र आयसीस मोड्युलप्रकरणी एनआयए शुक्रवारी पुन्हा २० हून अधिक लोकांची चौकशी करणार आहे. याशिवाय एनआयएने कल्याणहून अरीब माजिदलाही चौकशीला बोलावलं आहे. गेल्य़ा आठवड्यात एनआयएने ठाणे, कल्याण, भिवंडी, पडघाजवळच्या बोरिवली या गावात एकूण ४४ ठिकाणी छापे मारले होते. त्यात १५ जणांना अटक केली होती. आता अटक केलेल्या आरोपींशी संबंधित नातेवाईक, त्यांच्या संपर्कातले यांना सोमवारी चौकशीसाठी हजर राहण्यास सांगितलं होतं. आता शुक्रवारी पुन्हा २० हून अधिक जणांना चौकशीसाठी हजर राहण्यास सांगितलंय.