MNS Deepotsav : 'आयजीच्या जीवावर बायजी उधार', दीपोत्सवाच्या जाहिरातीवरून मनसे नेते Avinash Abhyankar सरकारवर संतापले

मुंबईतील शिवाजी पार्क (Shivaji Park) येथील प्रसिद्ध दीपोत्सवाच्या आयोजनावरून महाराष्ट्र नवनिर्माण सेना (MNS) आणि राज्य सरकारमध्ये वादाची ठिणगी पडली आहे. पर्यटन विभागाने दीपोत्सवाची जाहिरात केली, पण त्यात आयोजक मनसेच्या नावाचा उल्लेख टाळल्याने मनसेने तीव्र आक्षेप घेतला आहे. 'आयजीच्या जीवावर बायजी उधार असा हा प्रकार आहे', अशा शब्दांत मनसे नेते अविनाश अभ्यंकर यांनी सरकारवर टीका केली आहे. गेली तेरा वर्षे मनसे हा दीपोत्सव आयोजित करत आहे. त्यामुळे, राज्य सरकारच्या पर्यटन विभागाने कार्यक्रमाची जाहिरात स्वतःची असल्यासारखी करणे आश्चर्यकारक आहे, असे मनसेने म्हटले आहे. मनसेला छोटेसे श्रेय दिले असते तर सरकारचा मोठेपणा दिसला असता, अशी भावनाही मनसेने व्यक्त केली आहे.