Voter List Row: 'परप्रांतीय महापौर करण्यासाठी मतदार यादीत घोळ', MNS नेते देशपांडेंचा BJP वर थेट आरोप

मुंबई महानगरपालिका निवडणुकीच्या (BMC Elections) पार्श्वभूमीवर राजकीय वातावरण तापले आहे. मनसे (MNS) नेते संदीप देशपांडे (Sandeep Deshpande) यांनी भाजप (BJP) नेते आशिष शेलार (Ashish Shelar) यांच्या मतदारसंघात बनावट मतदार नोंदणी झाल्याचा गंभीर आरोप केला आहे. 'परप्रांतीय महापौर करायचा म्हणून जास्तीत जास्त परप्रांतीय नावे यादीमध्ये समाविष्ट करण्याचा पराक्रम भारतीय जनता पक्षाकडून सुरू केला जातोय का?', असा थेट सवाल संदीप देशपांडे यांनी विचारला आहे. दुसरीकडे, २०१७ मध्ये ७ नगरसेवक जिंकणाऱ्या मनसेचे आज शून्य नगरसेवक आहेत, कारण ६ नगरसेवकांनी शिवसेनेत तर एकाने शिंदे गटात प्रवेश केला होता. असे असतानाही मनसेने २२७ जागांसाठी सर्वेक्षण करून १२५ जागांवर ताकद असल्याचा दावा केला आहे. तर, ठाकरे गटाच्या नेत्या सुषमा अंधारे (Sushma Andhare) यांनीही लवकरच उमेदवारांची यादी जाहीर करणार असल्याचे म्हटले आहे.